Page 114 - Dissertation (3)

«Біз жер, мәдениет, экономика, денсаулық сақтау, білім беру, ауыл
шаруашылығы, әлеуметтік қамсыздандыру, құрылыс, тұрғын үй-коммуналдық
шаруашылық құрылымдарымен үнемі тығыз әрекеттесеміз. Жоғарыда аталған
құрылымдардың барлығында жұмыс тәжірибесі, еңбек өтілі бар адамдар
жұмыс істейді, сондықтан біз үйлесімді жұмыс істейміз. Иә, нәтижеге
қанағаттанамыз» (R-5).
Қазақстан үшін оның көпұлтты және көпмәдениетті ортасы контекстінде
мәдени дипломатияны стратегиялық коммуникацияның құрамдас бөлігі ретінде
пайдалану әлеуметтік бейбітшілікті нығайтудың, этносаралық қатынастарды
жақсартудың және мемлекеттің ашық және инклюзивті қоғам ретіндегі оң
имиджін қалыптастырудың маңызды құралына айналуы мүмкін.
10. Стратегиялық коммуникациялық құзыреттерді қалыптастырудағы
мәселелер мен қиындықтар
Табысты мемлекеттік қызмет үшін стратегиялық коммуникациялық
құзыреттердің маңыздылығына қарамастан, олардың тиімді дамуына кедергі
келтіретін бірқатар проблемалар мен қиындықтар бар. Біріншіден, мемлекеттік
қызметшілердің біліктілігін арттыру бағдарламаларын іске асыру үшін қаражат
пен ресурстардың жетіспеушілігі байқалады. Екіншіден, әртүрлі әлеуметтік
топтармен жұмыс және мәдениетаралық коммуникация сияқты стратегиялық
коммуникацияның нақты аспектілеріне назар аударатын мамандандырылған
оқыту мен курстар жетіспейді.
«Кәсіби дағдыларды жетілдіру, қызмет түрі бойынша өзекті ақпаратқа
ие болу, мәселелерді шешуге көмектесу. Жалпылары бар. Іскерлік: адалдық,
сенімділік, келіссөздер жүргізу, дипломатия. БАҚ: тиімділік, дәлдік, достық,
адалдық. Тұрғындар: ақпаратты талдай білу, өтірік пен шындықты айыра білу,

өнімді ұсыныстармен қала өміріне белсендірек қатысу» (R-13).
Бұл ретте, мемлекеттік органдарға қатысты халықтың сенімінің төмен
деңгейі басты мәселелердің бірі болып табылады, бұндай жағдай әдетте
жеткіліксіз ашықтықпен және тиімді кері байланыс тетіктерінің жоқтығымен
байланысты болуы мүмкін. Gallup мәліметтері бойынша (2022), Қазақстан
азаматтарының үкіметке сенім деңгейі 2020 жылғы 72 пайыздан 2021 жылы 54
пайызға дейін төмендеген [205]. Сондай-ақ, Қазақстан стратегиялық зерттеулер
институтының (2022) зерттеуіне сәйкес, 2022 жылы үкіметке деген сенімділігін
азаматтардың тек 53,2%-ы ғана білдірген [206].
Осылайша, Қазақстандағы стратегиялық коммуникациялық құзыреттерді
дамыту перспективалары мемлекеттік аппаратты жаңғыртумен, мемлекеттік
қызметшілердің кәсіби деңгейін арттырумен және цифрлық жағдайларға
бейімделумен тікелей байланысты. Бұл тұста әлеуметтік желілер мен
автоматтандырылған платформалар сияқты цифрлық арналарды дамыту арқылы
мемлекет пен азаматтар арасындағы байланыстың басым бөлігін жүзеге асыруға
болады (БҰҰДБ, 2021) [207].
Сондай-ақ, Қазақстанның көп ұлттылығын ескере отырып,
мәдениетаралық коммуникацияға баса көңіл бөлу қажет. Қоғамдық келісімді
нығайтуға және мәдени айырмашылықтарды құрметтеуге бағытталған оқыту

114