Page 115 - Dissertation (3)

бағдарламаларды әзірлеу неғұрлым тұрақты және инклюзивті мемлекеттік
саясатты қалыптастыруға ықпал етеді (Садықова, 2024) [208].
Стратегиялық коммуникация саласындағы халықаралық тәжірибе
басқарудың барлық деңгейлері мен халық арасында біртұтас және ашық
байланыс жүйесін құру – қоғамның мемлекетке деген сенімін қалыптастырудың
негізгі элементі болып табылады [209].
Бұған қоса, тұтынушыларға бағдарлану және цифрландыру қағидаттарына
негізделген Қазақстандағы мемлекеттік басқаруды трансформациялау
жағдайында стратегиялық коммуникациялық құзыреттерді қалыптастыру негізгі
элементке айналуда. Бұл мемлекеттік қызметтердің сапасы мен қолжетімділігін
арттыруға және кадрлық әлеуетті дамытуға бағытталған 2024-2029 жылдарға
арналған мемлекеттік басқаруды дамыту тұжырымдамасында да ерекше атап
өтілген [6].
Осылайша, зерттеу деректері Қазақстан Республикасы мемлекеттік
қызметшілерінің стратегиялық коммуникациялық құзыреттері бірқатар
факторлардың: цифрландыру, институционалдық реформалар, әлеуметтік-
мәдени әртүрлілік, сондай-ақ азаматтық қоғаммен ашықтық пен кері байланысқа
сұраныстың артуы әсерінен қалыптасатынын растайды. Қазақстандық
шындыққа бейімделген халықаралық стандарттар мен ұсынымдарды қолдану
мемлекет пен қоғамның тиімді өзара іс-қимылын жеңілдетеді.
Жалпы, осы зерттеу Қазақстанда мемлекеттік қызметшілердің
стратегиялық коммуникациялық құзыреттерін дамытудың тиімділігі көптеген
әлеуметтік, технологиялық және институционалдық факторларға тәуелді екенін
көрсетті:
Біріншіден, Қазақстан ‒ көпұлтты және көптілді мемлекет. Ұлттық

статистика бюросының 2023 жылғы деректеріне сәйкес, халықтың 49,1%-ы
күнделікті қазақ тілінде, 33,3%-ы орыс тілінде сөйлейді, ал 16,3%-ы екі тілді
қатар қолданады. Мұндай тілдік көптүрлілік мемлекеттік қызметшілерден
мәдениетаралық және лингвистикалық құзыреттерді талап етеді. Жуырда
жүргізілген сауалнама нәтижесінде респонденттердің 11%-ы мәдениетаралық,
6%-ы тілдік кедергілерге тап болатынын атап өткен [195]. Бұл – мемлекеттік
қызметшілерді оқыту барысында осы аспектілерге ерекше назар аудару
қажеттігін көрсетеді.
Екіншіден, цифрландыру үдерістері мемлекеттік органдар мен азаматтар
арасындағы коммуникация арналарын түрлендіріп отыр. Мысалы, Ақсай
қаласында жергілікті билік пен тұрғындар арасындағы ашық диалог үшін арнайы
Telegram-арна ашылғаны атап өтілді (R-11). Мұндай тәжірибе мемлекеттік
органдардың қолжетімділігі мен ашықтығын арттыруға септігін тигізеді.
Үшіншіден, респонденттердің пікірлері кәсіби дайындықтың
маңыздылығын нақтылайды. Мемлекеттік қызметшілердің біліктілігін арттыру
жүйесіне коммуникация мен жанжалдарды басқару дағдыларын дамытуға
бағытталған курстардың енгізілуі ұсынылған (R-7). Сонымен қатар,
стратегиялық коммуникация саласындағы халықаралық тәжірибе де пайдалы:
мысалы, Норвегия мен Финляндияда мемлекеттік қызметшілердің халықпен

115