Page 111 - Dissertation (3)

арттыру үшін жүйелі түрде оқыту мен біліктілігін арттыру курстарынан өту
қажеттігін атап өтті.
«Біліктілікті арттыру жүйесінде қарым-қатынас пен жанжалдарды
басқару дағдыларын дамытуға бағытталған курстар болуы керек. Бұл
кәсіпқойлық деңгейін арттыруға және азаматтармен коммуникацияны
жақсартуға көмектеседі» (R-7).
Халықаралық аренада мемлекеттік қызметшілерді кәсіби даярлаудың
бірнеше сәтті үлгілері бар. Мысалы, Сингапурда мемлекеттік сектор
қызметкерлері үшін тұлғааралық қарым-қатынас дағдыларын дамыту және
жанжалдарды шешу үшін арнайы курстар әзірленген. Бұл курстар азаматтармен
жұмыс істеудің теориялық аспектілерін де, практикалық әдістерін де қамтиды
(Rainey, 2014) [200]. Швецияда да мемлекеттік қызметшілерге арналған міндетті
курстар жүйесі бар, мұнда коммуникативтік дағдыларды оқыту маңызды рөл
атқарады.
Сонымен қатар, мемлекеттік органдар жұмысының ашықтығын және
көрсетілетін қызметтердің сапасын арттыруға мүмкіндік беретін кәсіби
құзыреттерді, оның ішінде коммуникациялық құзыреттерді бағалау жүйесін
енгізу маңызды аспект болып табылады. Сингапурда, мысалы, азаматтармен
өзара әрекеттесу және туындаған мәселелерді шешу қабілетіне қарай
мемлекеттік қызметшілердің жұмысын бағалау жүйесі бар (Heath & Johansen,
2018) [201].
4. Азаматтардың үміттері және демократияландыру деңгейін арттыру.
Соңғы онжылдықтарда азаматтық белсенділіктің артуы мемлекеттік
қызметшілердің ашық коммуникациясына деген қоғам арасындағы үмітті
арттырды. Азаматтар мемлекеттік органдардан ашықтықты, қолжетімділікті

және есеп беруді талап етеді. Демократияландыру жағдайында азаматтармен кері
байланыстың тиімді арналарын құру, сондай-ақ мемлекеттік органдардың өз
әрекеттерін қоғамның қажеттіліктері мен сұраныстарына бейімдеу стратегиялық
коммуникацияның маңызды бөлігі болып табылады.
«Халықпен ашық диалог форматында тиімді өзара іс-қимыл жасау үшін
мемлекеттік қызметші өз ісінің маманы болуы, заңнаманы білуі, диалог жүргізе
білуі, дұрыс және сыпайы болуы қажет» (R-7).
Халықаралық тәжірибе азаматтармен онлайн сауалнамалар, қоғамдық
пікірталастар және консультациялар сияқты ашық платформалар арқылы қарым-
қатынас орнату сенім мен демократияны нығайтуға көмектесетінін растайды.
Мысалы, Нидерландыда қоғамдық кеңес беру тетіктері белсенді түрде
қолданылады, оның барысында азаматтар маңызды әлеуметтік және саяси
мәселелер бойынша өз пікірлерін білдіре алады (Frederick & Loffreda, 2016)
[202].
Мемлекетік қызметтегі коммуникация форматының трансформациясына
ерекше назар аудару керек, мұнда екпін екі жақты байланысқа ауысады. АҚШ
пен Ұлыбритания азаматтары қоғамдық пікірталас пен дауыс беру
платформалары арқылы шешім қабылдауға белсенді қатысатын үлгілерді

111