Page 110 - Dissertation (3)

этникалық әртүрлі аймақтарда. Осы салада жуырда өткізілген сауалнамада,
респонденттердің 11%-дан астамы мәдениетаралық қарым-қатынастағы
қиындықтарды, 6%-ы тілдік қиындықтарға тап болатынын айтады [196].
Сондықтан лингвистикалық және мәдениетаралық құзыреттілікті
қалыптастыру мемлекеттік қызметшілерді оқытудың міндетті бөлігіне айналуы
тиіс.
2. Технологиялар мен ақпараттық платформаларды дамыту.
Цифрландыру мен қарқынды технологиялық даму жағдайында мемлекет пен
азаматтар арасындағы тиімді коммуникация арналарын құру табысты
басқарудың негізгі аспектісіне айналуда. Басқа елдердегі сияқты Қазақстанда да
мемлекеттік басқару процестеріне ақпараттық технологияларды енгізу ресми
веб-сайттар, мобильді қосымшалар және әлеуметтік желілер сияқты
инновациялық коммуникациялық платформаларды дамытуды талап етеді.
«Халықпен ашық диалогқа дайын болу. Стратегияның бұқаралық ақпарат
құралдары арқылы, әлеуметтік желілер арқылы қолжетімділігі. Мысалы, біздің
қалада (Батыс Қазақстан облысы, Ақсай) тұрғындар өз мәселелеріне қатысты
сұрақтарын жергілікті билікке ашық қоя алатын телеграм-канал ашылды» (R-
11).
Бұл ретте қоғамдық өзара іс-қимылдың табысты технологияларының
мысалдарын мемлекеттік басқаруды цифрландыруда әлемдік көшбасшы болып
табылатын Эстониядан табуға болады. Бұл елде азаматтар әртүрлі электронды
платформалар арқылы мемлекеттік органдармен өзара әрекеттесе алады, бұл
өтініштер беруді, ақпарат алуды және қоғамдық кеңестерге қатысуды
жеңілдетеді (Grönlund & Linde, 2020) [197]. Мұндай электронды қызметтер
бюрократия деңгейін айтарлықтай төмендетіп, азаматтарға қолайлылықты

арттыруға мүмкіндік беретінін атап өткен жөн. Эстониялық модель цифрлық
үкіметті сәтті пайдаланады, мұнда әрбір азамат цифрлық сәйкестендіру арқылы
жеке деректерге қол жеткізе алады.
Сонымен қатар апараттық технологияларды табысты қолданудың тағы бір
маңызды аспектісі – мұндай платформалардың барлық азаматтарға, соның
ішінде мүмкіндігі шектеулі жандарға қолжетімділігін қамтамасыз ету.
Австралияда онлайн мемлекеттік қызметтер халықтың барлық санаттары үшін
қолжетімді және пайдалануға қолайлылығын қамтамасыз ету үшін цифрлық
үкімет тұжырымдамасы әзірленді (Sullivan, 2020) [198].
Бұл тұста азаматтармен байланыс арнасы ретінде әлеуметтік желілердің
дамуын ескеру қажет. Мысалы, АҚШ-та Twitter әлеуметтік желісі мемлекеттік
қызметшілер мен азаматтардың тікелей байланысы үшін белсенді түрде
пайдаланылады, бұл қоғамда туындаған сұрақтарға жедел жауап беруге және
жұртшылықпен ашық диалогты қолдауға мүмкіндік береді (West, 2014) [199].
3. Мемлекеттік қызметшілердің кәсіби даярлығы.
Байланыс сапасына әсер ететін негізгі фактордың бірі – мемлекеттік
қызметшілердің кәсіби дайындық деңгейі. Ағымдағы зерттеуге қатысқан
респонденттер мемлекеттік қызметшілердің коммуникативтік құзыреттерін

110