Page 142 - Dissertation (3)

ақпарат тандыру. Парасат топтарға назар аудару (Канада,
тылық, өзін-өзі дамыту Австралия).
Ескерту – Автормен зерттеу негізінде жасақталған

Жалпы жүргізілген зерттеу коммуникативтік құзыреттерге қойылатын
талаптарды жақсарту мемлекеттік органдар жұмысының жалпы тиімділігін
арттыру, мемлекет пен қоғам арасындағы өзара іс-қимылды жақсарту үшін қажет
екенін көрсетті. Осыған байланысты туындаған тұжырым коммуникативтік
құзыреттерді мемлекеттік қызметшілердің лауазымдық талаптары арасында
ажырату мемлекет пен қоғам арасындағы коммуникацияны ілгерілетуге оң

ықпаны тигізуі мүмкін. Бұндай өзгерістер не үшін маңызды екенін атап өтейік:
1. Топ-менеджерлер мен жоғары бейінді басшылар үшін (министрліктер,
әкімдіктер): келіссөздер жүргізу, мемлекеттік органның беделін басқару және
дағдарыстармен жұмыс істеу қабілеті бүкіл елге немесе өңірлерге әсер ететін
стратегиялық шешімдер қабылдау үшін қажет. Бұл дағдылар көптеген саяси,
экономикалық және әлеуметтік тараптармен тиімді өзара әрекеттесуге ықпал
етеді, сондай-ақ тосын дағдарыстар жағдайларында мемлекеттік органдардың
беделін қорғауға көмектеседі. Мұндай құзыреттердің мемлекеттік саясатты
ұтымды іске асыруды қамтамасыз етуде және қоғамның билікке деген сенімін
арттырудағы рөлі зор.
2. Орта буын үшін: мемлекеттік органдар ішіндегі жұмысты жақсарту
үшін командалық жұмыс, жанжалдарды реттеу және ішкі коммуникацияларды
басқару дағдылары қажет. Бұл дағдылар ұжымда салауатты атмосфераны
сақтауға, ұйымдық мәселелерді тиімді шешуге және әртүрлі билік деңгейлері
арасындағы әрекеттердің дәйектілігін қамтамасыз етуге көмектеседі. Олар
қызметкерлердің ынтасын арттыруға, жұмыс процестерін жақсартуға және
шешім қабылдауда тұрақтылықты қамтамасыз етуге мүмкіндік береді.
3. Төменгі буын үшін: азаматтармен өзара әрекеттесу және жанжалдарды
тиімді шешу әлеуметтік тұрақтылық пен халықтың қанағаттану деңгейін
қамтамасыз етуге көмектеседі. Әр түрлі әлеуметтік топтарға эмпатия мен зейінді
дамыту мемлекеттік қызметшілерге азаматтардың сұраныстарына жедел және
сапалы жауап беруге, олардың проблемаларын шешуге, сондай-ақ ықтимал
жанжалдардың алдын алуға мүмкіндік береді. Бұл сондай-ақ мемлекеттік
қызметтің оң имиджін қалыптастыруға ықпал етеді және азаматтардың билікке
деген сенімін нығайтады.
Осылайша, мемлекеттік қызметтің әртүрлі деңгейлеріндегі
коммуникативтік құзыреттерді жақсарту мемлекеттік органдар мен азаматтар
арасындағы өзара іс-қимыл сапасын арттыру үшін түйінді мәнге ие. Жоғары
деңгейде бұл тиімді басқару мен стратегиялық шешімдер қабылдауға ықпал етсе,
орта деңгейде ішкі ұйымдастыру мен жұмыс процестерін жақсартуға
көмектеседі, ал төмен деңгейде азаматтарға қызмет көрсету деңгейін тікелей
арттырады және әлеуметтік мәселелерді шешеді.
Жаһандану үдерістері және тұтынушылардың ұдайы өзгеріп отырған
талаптары лауазымдардың әр санаты үшін арнайы коммуникативтік
құзыреттіліктің деңгейлері мен түрлерін талап етеді. Сәйкесінше, жоғары

142