Page 137 - Dissertation (3)

қақтығыстарды шешу бойынша оқыту жұмыс өнімділігін айтарлықтай
жақсартады [231].
3. Мемлекеттік басқарудағы цифрлық коммуникациялар модулін қосу.
Цифрландыру жағдайында мемлекеттік органдар қоғаммен коммуникация жасау
үшін көптеген цифрлық платформаларды белсенді пайдаланады. Осыған
байланысты мемлекеттік қызметшілерді цифрлық байланыс арналарын тиімді
пайдалануға үйрету маңызды. Бұл ретте, Швеция, Ұлыбритания және Германия
сияқты елдерде мемлекеттік қызметшілерді цифрлық коммуникацияларға оқыту
кеңінен қолданылады. Осы тәжірибені Қазақстан контекстіне енгізу
коммуникация саласында туындайтын бірқатар мәселелердің алдын алатыны
анық.
Ұсынылатын тақырыптар: цифрлық коммуникация стратегиялары;
келіссөздер мен жобаларды басқарудың цифрлық құралдары; деректерді қорғау
және киберқауіпсіздік; технологияларды мемлекеттік басқаруда қолдану.
Sigurjonsson et al., (2024) зерттеуінде мемлекеттік ұйымдарда цифрлық
трансформацияны сәтті жүргізу үшін мемлекеттік қызметшілерге цифрлық
дағдыларды оқытудың маңыздылығын көрсетеді [232].
4. Эмоционалды интеллект (EQ) модулі. Мемлекеттік қызметшілер өз
эмоцияларын тану, түсіну және басқару үшін, сондай-ақ басқа адамдардың
эмоцияларын тиімді коммуникация барысында басқару қабілеттерін дамыту
арқылы мемлекеттік қызмет аясында туындайтын бірқатар проблемаларды шеше
алады. Бұл мемлекеттік қызметшілерге қажетті негізгі құзыреттердің, өйткені
бұл оларға тиімдірек жұмыс істеуге, жанжалдарды түсінуге және шешуге және
азаматтармен сенімді қарым-қатынасты сақтауға көмектеседі.
Големанның (1995) эмоционалды интеллект теориясы осы бағыттағы

құзыреттер коммнукаиция барысында туындайтын түрлі келеңсіз жағдайлардың
алдын алуға септігін тиігзетінін растайды. Осы бағыттағы құзыреттерді дамыту
мәселесі эмпирикалық зерттеу шеңберінде жүрізілген сұхбатқа қатысқан
респонденттердің де ойында жүрген жаңашыл қадамдар [27, р. 3-350]. Бұл тұста,
АҚШ, Ұлыбритания және Австралия сияқты елдерде эмоционалды интеллектті
дамыту мемлекеттік қызметшілердің біліктілігін арттыру бағдарламаларында
белсенді қолданылатынын атап кету керек. Бұл бағдарламалар топтық өзара
әрекеттесуді жақсартуға, стресс деңгейін төмендетуге және белгісіздік пен
жанжал жағдайында шешім қабылдау тиімділігін арттыруға көмектеседі.
Қазақстанда оқыту бағдарламаларына мұндай модульді енгізу мемлекеттік
қызметшілерге кәсіби міндеттерді сәтті орындауға, азаматтарға қызмет көрсету
сапасын жақсартуға және үйлесімді жұмыс атмосферасын құруға көмектеседі.
Модульдің негізгі тақырыптары: өзін-өзі тану, өзін-өзі реттеу, Эмпатия,
әлеуметтік дағдылар, мәдениетаралық эмпатия.
Румынияда жүргізілген зерттеу мемлекеттік қызметшілердің
эмоционалдық интеллект деңгейі мен олардың кәсіби тиімділігі арасындағы оң
корреляцияны анықтады [233].
Аталған деректер мәдениетаралық коммуникация, жанжалдарды басқару,
цифрлық коммуникация және эмоционалдық интеллектті дамыту бойынша

137