Page 143 - Dissertation (3)

лауазымдар (А және В санаттары) мемлекеттік және халықаралық әріптестермен
өзара іс-қимыл жасауға, сондай-ақ негізгі шешімдер қабылдауға бағытталған
дамыған стратегиялық және көшбасшылық коммуникативтік дағдыларын талап
етеді. Өз кезегінде төменгі санаттар үшін (C, D, E) жедел және ұтымды
коммуникацияға, мемлекеттік қызмет органдары ішіндегі тиімді өзара іс-
қимылға бағытталған дағдылардың дамуына баса назар аударылады. Осыған
орай, мемлекеттік функциялардың табысты орындалуы әрбір нақты лауазымға
қойылатын талаптарға сәйкес келетін коммуникативтік құзыреттердің даму
деңгейіне де тікелей байланысты.
3. Мемлекеттік қызметшілердің коммуникативтік құзыреттерін бағалау

және дамыту.
Қазіргі кезде мемлекеттік қызметшілердің коммуникативтік
құзыреттерін бағалау тетіктері «А» корпусының мемлекеттік әкімшілік
қызметшілерінің қызметін бағалау әдістемесі шеңберінде қарастырылған
(Қазақстан Республикасы Мемлекеттік қызмет істері және сыбайлас
жемқорлыққа қарсы іс-қимыл агенттігі төрағасының 2018 жылғы 16
қаңтардағы №13 «Мемлекеттік әкімшілік қызметшілердің қызметін
бағалаудың кейбір мәселелері туралы» бұйрығы). Алайда бұл Әдістемеде
коммуникативтік құзыреттіліктер жеке бағалау өлшемшарты ретінде бөлек
көрсетілмеген. Бұл құзыреттер жалпы кәсіби құзыреттерді бағалау процесіне
біріктірілген жанама индикаторлар арқылы анықталады.
Шетелдік тәжіриібеде, бұл бағытта Сингапур мен Германияда
мәдениетаралық және цифрлық дағдыларды ескеретін мемлекеттік
қызметшілердің коммуникативтік құзыреттерін бағалаудың арнайы тетіктері
көзделген. Бұндай жүйе мемлекеттік қызметшілердің мансаптық өсуі мен

біліктілік арттыруының негізі болып табылады.
Осыған орай, мемлекеттік қызметшілердің коммуникативтік құзыреттерін
дамыту саласындағы жағдайды жақсарту үшін Қазақстан мемлекеттік қызметтің
әртүрлі деңгейлері мен міндеттердің әртүрлілігін ескеретін коммуникативтік
құзыреттерді бағалау моделін әзірлеуі керек.
Атап айтқанда, Қазақстандағы мемлекеттік қызметшілердің
коммуникативтік құзыреттерін бағалау жүйесін жақсарту үшін халықаралық
тәжірибеге сүйене отырып, бірнеше негізгі өзгерістерді енгізуге болады.
Бұл ретте автормен мемлекеттік қызметшілердің коммуникативтік
құзыреттерін бағалаудың көп деңгейлі моделін әзірлеу ұсынылады. Бұл модель
мемлекеттік қызметтің әртүрлі деңгейлеріндегі коммуникативтік құзыреттерге
қойылатын талаптардағы айырмашылықтарды ескере отырып, коммуникация
саласындағы қызмет сапасын арттыруға мүмкіндік береді (12-кесте).

Кесте 12 ‒ Мемлекеттік қызметшілердің коммуникативтік құзыреттерін
бағалаудың көп деңгейлі моделі

Мемлекеттік қызмет Бағалау өлшемдері Жобалы құзыреттер
деңгейі
1 2 3

143