Page 133 - Dissertation (3)

ҚОРЫТЫНДЫ

Қазақстанның мемлекеттік қызметшілері арасында коммуникативтік
құзыреттерді дамыту - бұл биліктің қоғаммен өзара іс-қимыл сапасын
жақсартуға, сондай-ақ тосын өзгерістер контекстінде мемлекеттік аппарат
жұмысының тиімділігін арттыруға жасалған маңызды қадам. Мемлекеттік
органдардағы коммуникация күнделікті консультациялар мен халықты
ақпараттандырудан бастап, кәсіпқойлықты ғана емес, икемділікті, бейімделуді
және эмпатияны қажет ететін дағдарыстық жағдайларды шешуге дейінгі
көптеген міндеттерді қамтиды.
Бүгінгі таңда Қазақстанда осы бағытта қадамдар жасалуда, бірақ
жүргізілген ағымдағы эмпирикалық зерттеу нәтижелері мен әлемдік
тәжірибені талдау мемлекеттік қызметтегі коммуникативтік құзыреттерді
едәуір нығайту үшін түзетілуі немесе енгізілуі тиіс бірқатар аспектілердің бар
екенін көрсетеді. Олдардың әрқайсысына жан-жақты тоқтала кетейік:

1. Коммуникацияның әртүрлі түрлерін дамыту және оқыту
Зерттеу нәтижелері Қазақстанда саяси тұрақсыздық, әлеуметтік толқулар
немесе табиғи апаттар сияқты дағдарыстар жағдайындағы коммуникацияға
мемлекеттік қызметшілерді оқытуды көздейтін арнайы жүйелік бағдарламалар
жоқ екенін көрсетті. Бұл әсіресе әлеуметтік наразылықтар немесе басқа
жанжалды жағдайлар қаупі бар жергілікті өзін-өзі басқару органдары үшін өте
маңызды. Осы тұста, коммуникация саласындағы белгілі теориялардың ішінде
Спицберг пен Купач теориясы (1984) түрлі тосын және дағдарыстық жағдайларға
лайықты коммуникативтік дағдыларын дамыту қажеттегіне назар аударатынын
еске сақтау керек [7].
Бұған қоса, мемлекеттік қызметтерді көрсетудің дені электрондық
платформаларда жүзеге асырылуына орай қазақстандық мемлекеттік
қызметшілер әлеуметтік желілер, онлайн-консультациялар, чат-боттар сияқты
жұртшылықпен коммуникацияның цифрлық құралдарын белсенді пайдалануға
дағдылануы қажет. Алайда, мемлекеттік қызметшілерді даярлаудың және
біліктіліктілігін арттырудың қолданыстағы бағдарламаларында цифрлық
коммуникацияға қатысты курстардың дамымағанын байқауға болады.
Американдық ғалым Уильям Б. Гудыкунст ұсынған мәдениетаралық
коммуникация теориясы (2003) қоғам ішіндегі мәдени ерекшеліктердің
коммуникация процесіне үлкен әсерінің барын ескертеді. Қазақстан - көпұлтты

133