Page 136 - Dissertation (3)

ұзақтығы әдетте 1 жылды және көлемі 60 кредитті құрайды, оның ішінде 6–9
кредит коммуникациялық пәндерге арналуы мүмкін.
Комуникативті дағдыларды дамыту сонымен қатар біліктілікті арттыру
курстары шеңберінде де қарастырылады. Бұндай курстар әдетте 36 сағаттан 72
сағатқа дейін (1–2 кредит) созылады.
Аталған бағдарламалар мемлекеттік қызметшілер мен азаматтар,
әріптестер мен сыртқы серіктестер арасындағы тиімді және ашық өзара іс-қимыл
үшін қажетті практикалық дағдыларды дамытуға, сондай-ақ мемлекеттік
институттарға сенім деңгейін арттыруға бағытталған.
Алайда, жүргізілген зерттеу нәтижелері көрсеткендей, қазіргі жүйеде
халықаралық тәжірибе мен мемлекеттік басқарудың қазіргі тенденцияларына
сүйене отырып толтыруға болатын олқылықтар жоқ емес. Осыған орай,
мемлекеттік қызметшілердің біліктілігін арттыру бағдарламаларын келесідей
модульдермен толықтыру ұсынылады:
1. Мәдениетаралық коммуникация курсын енгізу. Мәдениетаралық
коммуникацияны дамыту жаһандану және көпұлтты ел контекстінде ерекше
маңызға ие. Сингапур, Канада және АҚШ сияқты елдерде мәдениетаралық
коммуникацияны оқыту мемлекеттік қызметшілерді дайындайтын білім беру
бағдарламаларының маңызды бөлігі болып табылады. Бұл курс Қазақстанның
мемлекеттік қызметшіері үшін де пайдалы болмақ себебі әртүрлі этникалық және
мәдени топтармен жұмыс істеу дағдыларын дамыту көпұлтты қоғамда тиімді
өзара іс-қимылға оң ықпалын тигізеді.
Модуль шеңберінде ұсынылатын тақырыптар: Көпмәдениетті қарым-
қатынас; тілдік кедергілерді жеңу; қарым-қатынастың этикалық нормалары;
мәдениетаралық қақтығыстарды шешу стратегиялары.

Аталмыш құзыреттерді дамытудың маңыздылығын NetExpat зерттеуіне
қатысқан 98% респондент растаған. Дәлірек айтқанда, олар мәдени икемділік
дағдылары көпмәдениетті ортада табысты жұмыс істеу үшін өте немесе өте
маңызды екенін айтты [230].
2. Дағдарыс жағдайында қақтығыстарды басқару және келіссөздер
модулін қосу. Аталған дағдарыс жағдайында жанжалдарды шешу және
келіссөздер жүргізу модульдері қазіргі кезде ЕО мен АҚШ-та белсенді
қолданылып отырған оқыту әдістері. Онда мемлекеттік қызметшілер ең алдымен
белгісіздік пен стресс жағдайында жұмыс істеуге және қоғаммен ұтымды
коммуникация жасауға үйренеді. Қазақстанда бұл тәсіл мемлекеттік
қызметшілерге жанжалдарды тиімді шешуге және саяси-экономикалық
тұрақсыздық жағдайында келіссөздер жүргізуге дайындығын арттыруға
көмектеседі.
Ұсынылатын тақырыптар: қақтығыстарды шешу стратегиялары;
дағдарыс жағдайындағы келіссөздер; стресске төзімділік; дағдарыстық
коммуникациялар.
Бұл құзыреттердің тиімділігін Workplace Peace Institute сауалнамасына
қатысқан респонденттердің 83%-ы атап көрсеткен. Олардың пікірінше

136