Page 134 - Dissertation (3)

ел болғандықтан, мемлекеттік қызметшілер түрлі этникалық топтармен тиімді
коммуникация жасауға дағдылануы қажет. Осыған орай мәдениетаралық
қарым-қатынас пен эмпатияны коммуникация факторы ретінде дамыту
маңызды [41, р. 3-446]. Басқа адамдардың қажеттіліктері мен тәжірибелерін
түсіну, сондай-ақ оларға тиісті сезімталдықпен жауап беру қабілеті
қақтығыстарды азайтуға, мәселелерді тиімді шешуге және халықпен сенімді
коммуникаци орнатуға көмектеседі.
Әлемдік тәжірибе сүйенсек, Сингапур, Германия және Оңтүстік Корея
сияқты елдерде мәдениетаралық коммуникация мемлекеттік қызметшілерді
даярлаудың маңызды бөлігі болып табылады. АҚШ пен Канадада мемлекеттік
қызметшілер қоғаммен өзара әрекеттесу және онлайн-консультациялар
ұйымдастыру үшін әлеуметтік желілерді пайдалануға үйретіледі. Мұндай
платформалар азаматтарды шешім қабылдау процесіне белсенді тартуға
мүмкіндік береді. Ұлыбритания, Жапония және Оңтүстік Кореяда мемлекеттік
қызметшілерге дағдарыс жағдайында тиімді қарым-қатынас жасауға үйрететін
бағдарламалар әзірленеді. Бұл елдерде тұрақсыздық жағдайында қоғамдық
пікірді басқару бойынша тренингтер де өткізіледі.
Осы тұрғыда Қазақстанның мемлекеттік қызметшілерін даярлау жүйесі
мынадай бағыттағы оқу бағдарламаларны енгізуді қажет етеді:
‒ әлеуметтік желілер мен цифрлық құралдарды пайдалану негізінде
мемлекет пен қоғам арасындағы ұтымды коммуникацияны орнатуға бағытталған
білім беру курстары мен бағдарламаларын енгізу;
‒ жоғары әлеуметтік-саяси тұрақсыздық жағдайында жұмыс істейтін
мемлекеттік қызметшілер үшін дағдарыстық коммуникация курстары мен білім
беру бағдарламаларын әзірлеу. Бұл курстарда мемлекеттік органдардың

қызметкерлері наразылық немесе табиғи апаттар жағдайында нақты қарым-
қатынас жасай алатын практикалық сабақтар қарастырылуы тиіс;
‒ мемлекеттік қызметшілер қоғамнығ мәдени ерекшеліктерін ескере
отырып, түрлі этникалық топтар өкілдерімен тиімді жұмыс істеуі үшін
мәдениетаралық коммуникация курстарын әзірлеу;
‒ мемлекеттік қызметшілерге өздерінің жәәне айналасындағы адамдардың
эмоционалдық жай-күйін танып білуге үйрететін эмоционалды интеллектті
(EQ) курсын енгізу. Бұл бағыттағы дайындық мемлекеттік қызметшілерге
тұлғааралық қарым-қатынаста эмпатиялық және адекватты іс-қимыл танытып,
мәселені байыппен шешуге үйрететін болады.
Бұл ретте, қазіргі уақытта қазақстандық мемлекеттік қызметшілердің
коммуникативтік құзыреттерін дамыту Қазақстан Республикасы Президентінің
жанындағы Мемлекеттік басқару академиясында қарастырылған келесідей
модульдер арқылы жүзеге асырылады:
1. Шешендік өнер ‒ көпшілік алдында сөйлеуге деген сенімділікті дамыту,
сөйлеумен және аудиториямен жұмыс.
2. Коммуникациялық менеджмент ‒ мемлекеттік органдар ішіндегі
коммуникация процестерін басқару.

134