Page 107 - Dissertation (3)

қызметкерлермен болған коммуникацияда өз пікірлері ескерілмегенін мәлімдеді,
бұл тыңдай білудің де жеткіліксіздігін көрсетеді.
Келесі негізгі аспект - цифрландыру мен ашықтық мәселелері қаралды.
Қазақстанда электронды үкімет, “Ашық диалог” порталы секілді платформалар
белсенді қолданылып жатса да, оларды пайдалану деңгейі, халықтың
хабардарлығы және берілетін ақпараттың сапасы бойынша әлі де бірқатар
қиындықтар бар. Мемлекеттік органдардың цифрлық трансформациясын тиімді
жүргізу үшін пайдаланушыға ыңғайлы, қарапайым әрі ашық интерфейстер мен
кері байланыс арналары қажет.
Мұндай жағдайларда “Халық үніне құлақ асушы мемлекет”
тұжырымдамасын сапалы жүзеге асыру қиын болуы мүмкін. Мемлекеттік
аппарат пен азаматтар арасындағы сенімнің негізі – диалог, ашықтық және
уақтылы жауап беру. Бұл тұрғыда коммуникативтік құзыреттерді дамыту
мемлекеттік басқару жүйесінің маңызды институционалдық бағытына айналуы
тиіс. Бұл бағыт тек жеке бастың біліктілігімен шектелмей, жалпы ұйымдық
мәдениетті, басқару стилін және қызметтік стандарттарды да қамтуы керек.
Жалпы алғанда, зерттеу нәтижелері келесідей тұжырым жасауға негіз
береді: қазіргі мемлекеттік басқару жүйесінде коммуникативтік құзыреттер –
халықпен сенімді қарым-қатынасты орнатудың басты құралына айналуы тиіс.
Бұл құзыреттерді дамыту тек кәсіби оқыту арқылы емес, институционалдық
деңгейде басқару тәсілдері мен мемлекеттік қызмет этикасын қайта қарау
арқылы жүзеге асырылуы қажет.
Осы талдауға сүйене отырып, мемлекеттік қызметшілердің
коммуникативтік құзыреттерін дамытуда мынадай мәселелерге назар аудару
қажет болады:

– мемлекеттік қызметшілердің коммуникативтік құзыреттерін дамытуға
бағытталған оқыту бағдарламаларын жүйелі түрде енгізу;
– формальді емес, диалогқа құрылған, ашық және қолжетімді
коммуникацияны қалыптастыру;
– цифрлық платформалардың қолжетімділігін арттырып, техникалық
мүмкіндіктерін жетілдіру;
– коммуникативтік стратегияларды әзірлеп, оларды барлық мемлекеттік
органдарда енгізу және тұрақты түрде мониторинг жасау;
– кері байланысты жинау мен өңдеудің нақты және нәтижелі
механизмдерін енгізу.
Мұндай жүйелі көзқарас мемлекеттік аппараттың азаматтардың үніне
жауап беру қабілетін арттырып, халықтың мемлекетке деген сенімін нығайтуға
мүмкіндік береді.

107