Page 123 - Dissertation (3)

мемлекеттік қызметтердің жылдамдығы мен сапасын айтарлықтай жақсарта
алады. Мұндағы негізгі аспектілер: қызметкерлердің цифрлық сауаттылығын
арттыру, азаматтардың өтініштерін өңдеу платформалары мен ақпаратты
өңдеудің автоматтандырылған жүйелерін тиімді пайдалануға үйрету, сондай-ақ
цифрлық кеңістікте мемлекеттік органдардың қоғамдық беделін қалыптастыру
және қолдау қағидаттарын меңгеру. Бұл құзыреттердің мемлекеттік
қызметшілердің тез өзгеретін жағдайларға ұзақ мерзімді бейімделуіне негіз
болатын, сондай-ақ мемлекеттік қызметтерді тұрақты және сапалы көрсетуді
қамтамасыз ететін оқыту және біліктілікті арттыру жүйесіне біріктіру маңызды.
Қоғамдық сұраныстарға жедел жауап беру және пайда болған проблемаларды
цифрлық форматта жедел шешу қабілетін дамыту бірдей маңызды. Өз кезегінде,
ашықтық пен жауапкершілік қағидаттарына негізделген коммуника қарым-
қатынастың этикалық құрамдас бөлігі барлық коммуникациялық
стратегиялардың негізіне айналуы тиіс, осылайша азаматтардың сенімін
арттыруға және мемлекеттік қызметшілердің әлеуметтік жауапкершілігін
нығайтуға ықпал етуі тиіс.
Бұл ретте дағдарысқа қарсы коммуникация стратегияларын әзірлеу кезінде
мына факторларды ескеру қажет: материалдар орыс және қазақ тілдерінде
қайталануы, сондай-ақ әртүрлі әлеуметтік топтардың қабылдау және цифрлық
қолжетімділік деңгейіне бейімделуі керек.
Қазақстан Республикасы Ұлттық статистика бюросының (2024) деректері
бойынша 60 жастан асқан қазақстандықтардың шамамен 22%-ы интернетті
пайдаланбайды, ал мемлекеттік тілді күрделі жаңалықтарды қабылдауға
жеткілікті деңгейде білмейтін халықтың үлесі 15%-дан асады [228].
Жалпы, қоғамдағы тұрақтылықты қамтамасыз етуде және азаматтардың

мемлекеттік органдарға сенімін қалпына келтіруде дағдарыстық
коммуникациялар маңызды рөл атқарады. Қазақстан Республикасының
мемлекеттік қызметшілері үшін тиімді коммуникация жүйесін құру, ақпаратты
жылдам және нақты беру, дағдарыстарға қатысты мәселелерде ашықтық пен
жариялылықты қамтамасыз ету, тұрғындармен үнемі кері байланыс орнату аса
маңызды міндеттер болып табылады. Қазіргі әлемде дәстүрлі және цифрлық
байланыс арналарын үйлестіру, сондай-ақ мемлекеттік қызметшілерді тұрақты
оқыту мен курстар арқылы дағдарыстық жағдайларға дайындауды қамтамасыз
ету қажет.
Осы орайда, жүргізілген эмпирикалық зерттеу нәтижелері дағдарыс
жағдайларында мемлекеттік қызметшілердің стратегиялық коммуникациялық
құзыреттерін дамыту ‒ азаматтардың сенімін сақтау, қоғамдағы тұрақтылықты
қамтамасыз ету және жалған ақпараттың таралуын шектеу үшін шешуші фактор
екенін көрсетті. Қазіргі цифрлық қоғамда бұл міндеттер ерекше өзектілікке ие.
Біріншіден, зерттеу респонденттері дағдарыс коммуникацияларының
тиімділігі көбіне мемлекеттік қызметшілердің бейімделгіштігі мен кәсіби
дайындық деңгейіне байланысты екенін атап өтеді. Мысалы, тек елордада
оқудан өткен қызметкерлердің басым болуы (тек 8% ғана өңірлерден), сондай-ақ
әкімдік деңгейіндегі кадрлардың тек 12%-ы ғана арнайы дайындықтан өткені

123