Page 46 - Академикалы? саясат РУС.

құрылуда. Мысалы, «Ақылды қалалар орталығы» және «Ақылды қалалар
альянсы» сияқты бастамалар шеңберінде қалалық әкімдіктер, ғылыми мекемелер
мен жеке сектор арасында желілік өзара әрекеттестік пен тәжірибе алмасу
процестері жанданып отыр. Цюрих қалалық кеңесі цифрландыру үдерісін
жеделдету және Smart City Zurich стратегиясын кеңейту мақсатында Digital City
стратегиясын қабылдады. Бұл құжат «ақылды қала» ұғымын – тұрғындар,
ұйымдар мен инфрақұрылымның өзара тиімді әрекеттесуіне негізделген
бірыңғай жүйе ретінде қарастырады. Мұндай тәсіл әлеуметтік, экологиялық
және экономикалық пайда әкелуге бағдарланған.
Практикалық тұрғыда бұл стратегия сенсорлық жүйелерді енгізу, Big Data
технологияларын пайдалану және қалалық міндеттерді шешуге арналған
цифрлық қосымшаларды іске асыру арқылы жүзеге асады. Оның ауқымы көлік
жүйесін басқарудан бастап, тұрғындардың қалалық басқару үдерісіне қатысуын
кеңейтуге дейінгі салаларды қамтиды. Цюрихте АКТ инфрақұрылымын дамыту
мен ашық деректер бастамаларын ілгерілету негізінде тұрғындардың қоғамдық
өмірге белсенді араласуына мүмкіндік беретін тетіктер кеңейтілуде. Қазіргі
таңда көптеген smart-жобалар іске асырылған немесе пилоттық кезеңде
жүргізілуде. Бұл ретте Smart City Zurich стратегиясы осы жобалар арасындағы
үйлесімділікті қамтамасыз ететін шеңберлік платформа рөлін атқарады [97].
Цюрихтегі инновациялық жобалардың бірі – қаланың «цифрлық негізі». Бұл BIM
(Building Information Modeling) технологиялары мен нақты уақыттағы деректерге
негізделген қалалық кеңістіктің виртуалды моделі болып табылады. Ол арқылы
урбанистикалық шешімдердің ықтимал салдарын болжауға және қаланың даму

сценарийлерін модельдеуге болады. Мәселен, бұл құрал климаттың өзгеруін
ескере отырып, құрылыс жоспарларын оңтайландыруға және инфрақұрылымды

тиімді орналастыруға мүмкіндік береді. Тағы бір маңызды бағыт – ғимараттар
мен энергетикалық ресурстарды басқарудың смарт-жүйелері. 2015 жылдан
бастап Цюрихте «Жасыл қала» атты пилоттық жоба жүзеге асырылуда. Оның
аясында 13 ғимарат 100% жаңартылатын энергия көздеріне ауыстырылып,
олардың 70%-ы тікелей объектіде өндіріледі. Бұл мысал энергия тиімділігін
арттыру және көміртек ізін азайту мақсатында смарт-басқару жүйелерін табысты
қолдануға болатындығын дәлелдейді.
Мобильділік саласында Цюрих өзін «жаяу жүргіншілер қаласы» ретінде
қалыптастыруға ұмтылуда. Қоғамдық көлікті тартымды етуге бағытталған smart-
жоба аясында Zürimobil мобильді қосымшасы әзірленді. Қосымша
пайдаланушыларға нақты уақыттағы көлік қозғалысы туралы ақпарат беріп,
балама бағыттарды – соның ішінде велосипед пен жаяу жүргінші жолдарын
ұсынады. Сонымен қатар, азаматтарға арналған Mein Konto атты бірыңғай
онлайн-портал енгізілген, оның көмегімен тұрғындар анықтамалардан бастап
салық төлеуге дейінгі түрлі қалалық қызметтерге электрондық форматта қол
жеткізе алады. Аталған бастамалар қалалық басқару мен тұрғындар арасындағы
өзара әрекеттестікті жеңілдетіп, көптеген әкімшілік процестерді цифрлық ортаға
көшіруге жол ашты [98].
Барселона – интеллектуалды технологиялар мен тұрақты даму
қағидаттарын тиімді үйлестіре алған қалалық қауымдастықтың үлгілі

46