Page 102 - Академикалы? саясат РУС.

– Түркістан облысының цифрландыру, мемлекеттік қызметтер және
архивтер басқармасының 2023 жылғы есебінде smart city жобаларын іске
асыруда кадрлық ресурстардың жетіспеушілігі негізгі қауіп факторларының бірі
ретінде көрсетілген;
– Әлеуметтік зерттеулер мен сараптамалық пікірлерде қаладағы цифрлық
жобаларды басқаруға тартылған мамандардың көпшілігі сырттан (Астана,
Алматы, Шымкент қалаларынан) шақырылатыны, бұл жергілікті кадрлық
тұрақтылықты қамтамасыз етпейтін уақытша шешім екені атап өтіледі.
Цифрлық кадр әлеуетін қалыптастыру мен дамыту Smart City жобаларының
тұрақты және тиімді жұмыс істеуінің алғышарты болып табылады. Ол үшін
жоғары оқу орындары мен кәсіптік білім беру ұйымдары базасында smart
technologies, data science, urban analytics бағыттары бойынша білім беру
бағдарламаларын дамыту, сондай-ақ мемлекеттік-жекешелік әріптестік аясында
қайта даярлау және біліктілікті арттыру курстарын ұйымдастыру қажет.
Бұл мәселені шешу үшін ЖОО-лармен әріптестікте мамандар даярлау,
жастарды смарт жобаларға тарту, сондай-ақ әкімдік қызметкерлері үшін
деректер аналитикасы мен цифрлық басқару салаларында оқыту курстарын
ұйымдастыру ұсынылады.
5. Цифрлық платформалар мен қызметтерді интеграциялау.
Қазіргі уақытта eGov.kz, eTurkistan, коммуналдық қызметтер, транспорт
және денсаулық сақтау жүйелері арасында дербес жұмыс жүргізілуде. Бірыңғай
интеграцияланған «Smart Portal Turkistan» платформасын қалыптастыру –
барлық цифрлық сервистерді орталықтан басқаруға және қолданушы

тәжірибесін оңтайландыруға мүмкіндік береді. Жетілдіру бағыттары 24-кестеде
көрсетілген.

Кесте 24 –Цифрлық технологиялар арқылы мемлекеттік реттеу үдерісін
Түркістан үшін жетілдіру бағыттары

Бағыт Мәселе / кемшілік Жетілдіру жолы
Дерекпен жұмыс Ашық деректердің жеткіліксіздігі API арқылы деректерді автоматты
жариялау
Мониторинг Бағалау жүйесінің болмауы Smart KPI платформасын енгізу
Қоғаммен Кері байланыс құралдарының Цифрлық сауалнама, е-Halyk
байланыс шектеулілігі бағалау модулі
Интеграция Қызметтер шашыраңқы Бірыңғай Smart Turkistan жүйесіне
біріктіру
Ескерту – Дереккөздер негізінде автор құрастырған [132]

Жоғарыда ұсынылған жетілдіру бағыттары Түркістан қаласында смарт-
қаланы қалыптастырудың негізін қалауға бағытталған. Бұл шаралар тұрғындар
мен мемлекет арасындағы сенімді нығайтып, цифрлық басқарудың тиімділігі
мен ашықтығын арттырады. Ең бастысы – смарт бастамаларға тұрғындардың
шынайы қатысуын қамтамасыз ету арқылы қаланы ортақ басқару кеңістігіне
айналдыруға жол ашады.

102