Page 107 - Академикалы? саясат РУС.

Кесте 28 – Smart City Office пен Цифрландыру басқармасының айырмашылығы

Салыстыру Smart City Office Түркістан облысының цифрландыру
критерийі басқармасы
Деңгейі Қалалық Өңірлік (облыстық)
Мақсаты Ақылды қаланы басқару, Мемлекеттік қызметтер мен цифрлық
үйлестіру, бағалау инфрақұрылымды дамыту
Міндеттері Smart KPI, деректер, жобалық Мемлекеттік органдарды
басқару, азаматтық қатысу цифрландыру, архив жүйесі
Жаңа рөлі Қалалық smart-экожүйе Әкімшілік цифрлық жүйелер әкімшісі
операторы
Ескерту- автормен құрастырылған.

Жалпы қорытындылай келе, ұсынылған бағыттар Түркістан қаласында
«ақылды қала» жобасын тиімді жүзеге асыру үшін кешенді әрі нақты негіз бола
алады. Әр бағытқа тиесілі цифрлық технологияларды енгізу арқылы мемлекеттік
басқару тиімділігі артып, халықтың өмір сапасы мен қалалық орта жаңаша
деңгейге көтеріледі. Ең бастысы — бұл процесті ғылыми негізде, жүйелі
әдістемемен және әлеуметтік-экономикалық шындыққа бейімдей отырып жүзеге
асыру қажет.

3.2 Ақылды қаланы дамытуды көпдеңгейлі мемлекеттік реттеудің
институционалдық механизмдерін қалыптастыру

Анықталған құрылымдық және құқықтық олқылықтарды еңсеру
мақсатында Smart City жобаларын басқару жүйесінің институционалдық
құрылымын және нормативтік-құқықтық базасын жетілдіру қажеттілігі
туындайды. Халықаралық жетекші тәжірибелер – Сингапур, Оңтүстік Корея
және ЕО мысалдары – ақылды қалалардың табысты дамуы көбінесе тиімді
ұйымдастырылған басқару моделі мен қолданыстағы стандарттардың өзара
сабақтастығына тәуелді екенін айғақтайды. Осы орайда, теориялық талдау және
Түркістан қаласында іске асырылған жобалардың эмпирикалық тәжірибесі
негізінде келесі институционалдық және нормативтік ұсыныстарды
тұжырымдауға болады:
1. Қалалық деңгейде Smart City басқарудың арнайы құрылымын
қалыптастыру.
Түркістан қаласы әкімдігі құрылымында Smart City бағытында қызмет
атқаратын арнайы басқарма құру немесе цифрлық трансформацияға жауапты
әкім орынбасарын тағайындау орынды. Аталған құрылым тұрғын үй-
коммуналдық шаруашылық, қоғамдық қауіпсіздік, әлеуметтік сала және өзге де
смарт-бастамаларды жүйелі түрде үйлестірумен қатар, жоғары тұрған
мемлекеттік органдармен, ұлттық компаниялармен және жекелеген серіктестік
ұйымдармен тиімді өзара іс-қимылды қамтамасыз етуге тиіс.
Сонымен қатар, осы құрылым аясында тұрақты негізде жұмыс істейтін
үйлестіру кеңесін (бақылау кеңесі немесе жобалық офис түрінде) құру
ұсынылады. Оның құрамына облыстық әкімдік, ұлттық компаниялар, бизнес

107