Академия
жаңалықтары

Қазақстан Республикасы Президенті жанындағы Мемлекеттік басқару академиясының ректоры Ерлан Қуанышұлы Әбіл БҰҰ ДБ аясындағы мемлекеттік мекемелерге арналған гендерлік теңдік белгісі (Gender Equality Seal for Public Institutions) бойынша жаһандық менеджер Ланда Мария Угарте және БҰҰ ДБ-ның гендерлік мәселелер бойынша кеңесшісі Гаухар Нұршамен  кездесті.

Ланда Мария Угарте демократиялық және тұрақты қоғамдық институттарды дамытуда гендерлік теңдіктің маңыздылығын атап өтті. Оның айтуынша, мемлекеттік басқарудағы гендерлік теңдік мемлекеттік қызметті жақсартуға, азаматтардың сенімін арттыруға және көрсетілетін қызметтердің сапасын арттыруға ықпал етеді.

Өз кезегінде, Академия ректоры Ерлан Әбіл гендерлік теңдікті жақсартуға бағытталған Академияның қызметі мен бастамалары туралы айтты. Мысалы, Академияда өткізілетін «Әйелдер көшбасшылығы», «Мансап және отбасы», «Гендерлік бюджеттеу»сынды семинарлар мен тренингтер әйелдер үшін көшбасшылық, топты басқару және өзін-өзі жетілдіру дағдыларын, кәсіби құзыреттіліктері мен практикалық дағдыларын жетілдіруге мүмкіндік беретінін жеткізді.

Кездесу барысында Академия мемлекеттік сектордағы әйелдердің мүмкіндіктерін кеңейтуге бағытталған жобаларды қолдауға дайын екенін білдірді.

Бүгін Қазақстан Республикасы Президентінің жанындағы Мемлекеттік басқару академиясында Малайзия Парламенті Сенаты төрағасының міндетін атқарушы Нур Джазлан Мохамедпен кездесу өтті.

Малайзия – Қазақстанның Оңтүстік-Шығыс Азиядағы негізгі серіктестерінің бірі. Малайзияда муссондық жаңбырлар мен су тасқыны жиі болып тұрады. Малайзия Сенаты басшысының м.а. Академия қызметкерлерімен және тыңдаушыларымен кездесуде су тасқынымен күресу бойынша мемлекеттік қызметкерлер арасында тәжірибе алмасуға дайын екенін атап өтті.

«Су тасқынын басқару – өте маңызды іс. Қазақстан мұндай ауқымды су тасқынын күтпегенін түсінеміз, бірақ әлемде климаттық өзгерістерге байланысты нөсер жаңбырдан туындаған су тасқыны алдағы уақытта да болу ықтималдығы жоғары. Сондықтан Малайзия табиғи апат кезінде және одан кейін мемлекеттік қызметшілердің іс-қимыл алгоритмдерін жетілдіру үшін Қазақстанмен тәжірибе алмасуға дайын. Малайзия Мемлекеттік басқару академиясы тарапынан біз мемлекеттік қызметшілердің біліктілігі мен коммуникативтік дағдыларын арттыру бойынша оқыту курстарын ұйымдастыруға әзірміз. Дағдарыс кезінде жұмыс істейтін мамандар білікті болуы керек және халықтың мұң-мұқтажын түсіне алуы керек», – деді Нұр Джазлан Мохамед.

Сондай-ақ спикер мемлекеттік қызметшілер жұмысының тиімділігін арттыру, мемлекеттік басқаруды цифрландыру және мемлекеттік сектор жұмысында жасанды интеллектті пайдаланудың артықшылықтарымен бөлісті.

Академия ректоры Ерлан Әбіл Нұр Джазлан Мохамедке алғысын білдіріп, Малайзияның мемлекеттік басқару академиясымен әріптестік қарым-қатынас орнатуға дайын екенін атап өтті. Кездесу соңында Академия тыңдаушылары мен қызметкерлері сұрақтарына жауап алды.

Бүгін ҚР Президентінің жанындағы Мемлекеттік басқару академиясының 30 жылдығына арналған «Даму күні» аясында ҚР Президентінің жанындағы Ұлттық жоғары Мемлекеттік басқару мектебінің бұрынғы директоры (1995-1998 жж.) Қайыржан Шайхыұлы Тақуовпен кездесу өтті. Кездесуді Академия ректоры Ерлан Әбіл жүргізді.

Академия қызметкерлерімен кездесу барысында Қайыржан Шайхыұлы ҚР Президентінің жанындағы Мемлекеттік басқарудың ұлттық жоғары мектебінің құрылу тарихы туралы айтып берді.

«Барлық кадр бұрынғы Кеңестік партия қызметкерлері болғандықтан, Қазақстан егемендік алғаннан кейін кадр жетіспеушілігі сезілді. Сондықтан нарықтық экономикаға, тәуелсіздікке бейімделген жаңа формация кадрлары болғанын қаладық», – деді ол.

1994 жылы Қазақстан Президентімен кездесу барысында Франция президенті Франсуа Миттеран мемлекеттік қызметшілерге арналған мектеп құруда ұйымдастырушылық және әдістемелік көмек көрсетуді ұсынды. Қазақстан Республикасының Президентi мен Министрлер Кабинетi Аппараты басшысының орынбасары Қайыржан Шайқыұлы Францияның Әкімшілік ұлттық мектебінің (ENA) жұмысын зерттеу үшін іссапарға жіберілді.

«1945 жылы Францияда Әкімшілік ұлттық мектебі (ENA) құрылды. 1994 жылы маусымда Аппараттағы кадр бөлімінің қызметкерімен бірге Францияға барып, онда 10 күн бойы ENA жұмысын зерделеп, аталған мектептің және министрліктердің басшылығымен кездестік. Қазақстанға оралғаннан кейін мен елімізде сондай мектеп құру және Мемлекеттік қызмет туралы заңның қажеттілігі туралы ұсыныстар дайындадым. Президент тез арада Қазақстан Республикасы Президентінің жанынан Мемлекеттік басқарудың ұлттық жоғары мектебін құру туралы қаулы дайындауды тапсырды. Сол күні біз нақты мерзімі жазылған Қаулы дайындадық, онда 1994 жылдың қазан айында алғашқы оқуға қабылдау жариялануы керек делінген», – деп тарихи оқиғамен бөлісті.

Сол жылы мектеп директоры болып Президенттің баспасөз хатшысы Нұрлан Даненов тағайындалды. Кейінірек, 1995 жылы Қайыржан Шайхыұлы директор қызметін бастап, Ұлттық жоғары Мемлекеттік басқару мектебіне оқуға қабылдау туралы ережені дайындаған.

Қайыржан Шайхыұлы кездесу барысында оқытушыларды тарту және білім беру бағдарламасын құру процесі туралы айтты. Мемлекеттік қызметшілерге дәріс оқуға министрліктер мен әкімдіктердің қызметкерлері шақырылды. Ұлттық жоғары Мемлекеттік басқару мектебінің сол кездегі тең директоры Кристиан Висантидің көмегімен оқу бағдарламасы құрылды. Француз тарапы әдістемелік көмек көрсетіп, қажетті әдебиеттерді ұсынды, сондай-ақ Францияда қазақстандық тыңдаушылар үшін тағылымдамалар ұйымдастырылды.

«Франция тарапы оқытуды француз тілінде жүргізуді ұсынды, мен тыңдаушыларға таңдау құқығын беріп, француз, ағылшын және қазақ тілдерінде білім беру туралы ұсыныс білдірдім. Француздар тарапынан қаржылық қолдау көрсетілмеді, бірақ қажетті әдебиеттермен қамтамасыз етті. Сондай-ақ Қазақстанның Франция Республикасындағы елшісімен егер ол жақтан саяси тұлғалар, мемлекеттік қайраткерлер келсе, біз оларды қонақ дәріске шақырамыз деп келістік. Бір жылдық оқуды аяқтағаннан кейін олар 6 тыңдаушыны Францияның Әкімшілік ұлттық мектебіне (ENA) тағылымдамадан өтуге шақырды», – деді Қайыржан Тақуов.

Өз сөзінде Қайыржан Шайхыұлы Академия 30 жыл ішінде мемлекеттік қызметшілерді даярлауда маңызды рөл атқарғанын атап өтті. Сондай-ақ өзінің өнегелі өмірі жайлы кітабын Академияның кітапхана қорына табыстап, тарихи материалдармен бөлісті.

Кездесу сұрақ-жауап сессиясымен аяқталды. Академия ректоры мен қызметкерлері Қайыржан Шайхыұлына қызықты әрі танымдық әңгімелері үшін алғыс білдірді.

ҚР Президенті жанындағы Мемлекеттік басқару

 академиясының баспасөз қызметі

Мемлекеттік кеңесші Ерлан Қарин Қазақстан Республикасы Президенті жанындағы Мемлекеттік басқару академиясының тыңдаушылары мен профессорлық-оқытушылық құрамының алдында сөз сөйледі. Кездесуге Қазақстан Республикасы Мемлекеттік қызмет істері агенттігі Төрағасының орынбасары Салауат Мүксімов және Академия ректоры Ерлан Әбіл қатысты.

Ерлан Қарин Президент Қасым-Жомарт Тоқаевтың саяси бағдарының идеологиялық сипаты еліміздегі барлық өзгерістің бастауында тұрған «Әділетті Қазақстан» тұжырымдамасында көрініс тапқанын атап өтті.

Мемлекеттік кеңесші Қазақстанда жүргізіліп жатқан саяси, экономикалық және әлеуметтік-мәдени реформалардың мән-маңызы, мақсаты және негізгі кезеңдері мен нәтижелері туралы әңгімелеп берді.

Ерлан Қариннің пікірінше, қазіргі басты міндеттің бірі – ұлттың жаңа сапасын қалыптастыру және қоғамды жаңа құндылықтар жүйесі негізінде ортақ мақсатқа ұйыстыру. Бұл құндылықтарды Мемлекет басшысы Ұлттық құрылтайдың ІІІ отырысында айқындап берді.

Мемлекеттік кеңесші ішкі саясатта әрдайым өзіміздің күн тәртібімізді басшылыққа алу қажеттігін атап өтті. Біздің ішкі күн тәртібіміз жасампаздыққа негізделген, ол жан-жақты жаңғыруды және реформалар жүргізуді көздейді.

Жиын соңында Ерлан Қарин Академия тыңдаушыларының және осы оқу орны қызметкерлерінің сұрақтарына жауап берді.

Бүгін Академияда «Кәсіби кадр – жасампаздық негізі» тақырыбында дөңгелек үстел өтті. Академияның магистранттары мен докторанттары ҚР Парламенті Сенатының және Мәжілісінің депутаттарымен, министрліктердегі комитет төрағаларына сұрақтарын қойып, пікір алмасты. Білім мен біліктілікті, тәжірибе мен ізденісті ұштастыру мақсатында өткен дөңгелек үстел барысында кәсіби маман даярлауға арналған ұсыныстар айтылды. Мемлекеттік қызметкерлердің кәсіби біліктілігін одан әрі жетілдіру мен олардың дамуына ықпал ететін идеялар айтылды. Басшылар мемлекеттік қызметтегі тәжірбиелерімен бөлісіп, білім алушыларға түрлі статистикалық деректер келтірді.

Академияның Ассессмент-орталығында өткен Өңірлік кадр резервіне үміткерлерді іріктеу кезеңі сәтті аяқталды. Үшінші кезеңге қатысу үшін үміткерлер еліміздің 20 өңірінен келді.

Құзыреттілікті бағалауға барлығы 1001 үміткер тіркелген. Қатысушылар талдау және шешім қабылдау, көшбасшылық, белсенділік, қызметті басқару және сенімділік сияқты құзыреттіліктерді анықтауға мүмкіндік беретін ситуациялық кейстерді шешті. Бұл құзыреттіліктер Қазақстан Республикасынің заманауи мемлекеттік қызметшісінің моделі ретінде белгіленген.

Академияның жобаны әзірлеушілер тобы көрсетілген модельге сәйкес кандидаттарды сапалы бағалауға мүмкіндік беретін жаттығулар жинағын дайындады. Құзыреттілікті бағалауды осы саладағы әлемдік көшбасшы SHL халықаралық сертификаты бар кәсіби бағалаушылар пулы жүргізді.

Үміткерлерге келесі кезеңдерде сәттілік тілейміз!

НАЗАР АУДАРЫҢЫЗ, КОНКУРС!

Қазақстан Республикасы Президентінің жанындағы Мемлекеттік басқару академиясы мына пәндер бойынша профессор-оқытушылар құрамының бос лауазымдарына орналасуға конкурс жариялайды:

Біліктілік талаптары:

Тілдерді білуі: кәсіби деңгейде мемлекеттік, орыс және мүмкіндігінше ағылшын тілдерін меңгеру.

Конкурсқа қатысқысы келетін тұлғалар мына құжаттарды тапсырады:

1) Академия ректорының атына нысан бойынша өтініш;

2) кадрларды есепке алу жөніндегі жеке іс парағы нысан бойынша немесе түйіндеме;

3) жоғары білімі, академиялық және ғылыми дәрежесі туралы дипломдардың көшірмелері, ғылыми атағы туралы құжат және салыстырып тексеру үшін түпнұсқалары;

4) пән бойынша жобаның презентациясы (электрондық түрде, көлемі 10 слайдтан аспайтын) келесі құрылым бойынша:

• білім беру бағдарламасы шеңберіндегі пәннің атауы мен сипаттамасы;
• пәнді оқыту мақсаты, міндеттері және күтілетін нәтижелері;
• пәнді оқыту әдістері мен құралдары;
• әр дереккөзге қысқаша аңдатпасы бар әдебиеттер тізім.

Конкурсқа қатысушы өзінің білімі, жұмыс тәжірибесі, біліктілігі және т.б. бойынша растаушы құжаттары бар қосымша ақпаратты беруге құқылы.

Конкурсқа құжаттар 2024 жылғы 31 мамыры – 14 маусымы аралығында қабылданады.

«ОПҚ конкурсына» белгісі бар құжаттарды қабылдау мына мекенжай бойынша жүзеге асырылады:

• электрондық пошта бойынша: hr@apa.kz
• пошта арқылы немесе қолма-қол (сағат 09:00 – 18:30): 010000, Астана қ., Абай даңғ. 33а, 705-каб.

Тел.: 8 (7172) 75-32-23,

8-705-289-27-01, 8-702-962-00-49

Құжаттардың тізімі толық ұсынылмаған жағдайда Академия кандидаттың өтінімін қарамауға құқылы.

2024 жылдың 28 мамырында Академия делегациясы Франция Ұлттық мемлекеттік қызмет институтына (INSP) іссапармен барды.

Кездесуде тараптар арасындағы қарым-қатынастардың тарихына шолу жасалып, алдағы уақытта бірлескен бағдарламалар бойынша оқыту, тағылымдамалар ұйымдастыру, академиялық ұтқырлық және қолданбалы зертеу жүргізу аясында сарапшылармен алмасу мүмкіндіктері талқыланды.

Академия делегациясы Қазақстан Республикасының Франция Республикасындағы Төтенше және Өкілетті Елшісі Гүлсара Мерейқызы Арыстанқұлованың қабылдауында болды.

Айта кетейік, Академия және INSP (бұрынғы ЕNA) қарым-қатынастары 1994 жылдан бастау алады. 2014-2015 оқу жылында Академияның 8 магистранты ENA-мен бірлескен қос дипломдық бағдарлама бойынша білім алған болатын.

2024 жылғы 27 мамыр күні Қазақстан Республикасы Президентінің жанындағы Мемлекеттік басқару академиясының ректоры Ерлан Әбіл Брюссель Еркін университеті жанындағы Брюссель дипломатиялық академиясы (BDA/VUB) басшылығымен кездесті.

Кездесуде Брюссель дипломатиялық академиясымен ынтымақтастық мәселесі талқыланды (BDA/VUB). Екіжақты келіссөз барысында тараптар ортақ білім беру бағдарламаларын дайындау және халықаралық қатынастар саласы бойынша зерттеу жобаларын жүзеге асыру туралы келісімге келді.

Іссапар аясында Академия делегациясы Бельгия Корольдігі жанындағы халықаралық қатынастар институтының (EGMONT) және Брюссель дипломатиялық мектебінің басшылығымен (CERIS) кездесулер өткізді. Тараптар халықаралық қатынастар саласының өзекті мәселелері бойынша зерттеулер жүргізуге дайын екенін жеткізді.

Ақпарат үшін:

БЮЮССЕЛЬ ЕРКІН УНИВЕРСИТЕТІ (VUB) – Бельгияның рейтингі жоғары университеті және Академияның стратегиялық серіктесі.

БЕЛЬГИЯ КОРОЛЬДІГІ ЖАНЫНДАҒЫ ХАЛЫҚАРАЛЫҚ ҚАТЫНАСТАР ИНСТИТУТЫ(EGMONT) халықаралық қатынастар саласындағы пәнаралық зерттеулерге мамандандырылған тәуелсіз талдау орталығы болып табылады.

БРЮССЕЛЬ ДИПЛОМАТИЯЛЫҚ МЕКТЕБІ (CERIS) халықаралық қатынастар мен дипломатия саласында білім беру және зерттеу жүргізу бойынша озық тәжірибесімен танымал.

20 мамыр күні Академияда білім беру процесінде мемлекеттік органдар үшін аналитикалық жазбаларды дайындау сапасы мәселелері бойынша эксперттік кездесу өткізілді.

Сараптамалық кезесуге мемлекеттік басқару және мемлекеттік қызмет мәселелері бойынша аналитиктерлі даярлау саласындағы сарапшылар мен практиктер, профессор-оқытушылар құрамы, PA&HRM консорциумының мүшелері, Академияның ғылыми қызметкерлері қатысты.

Сараптамалық кездесуде мемлекеттік басқарудағы проблемалардың шешімдерін әзірлеу, жүргізілетін зерттеулердің қолданбалы сипатын күшейту және нәтижелерді алдағы уақытта мемлекеттік қызметшілердің жұмысында қолдану мүмкіндігі сияқты мәселелер талқыланды. Сонымен қатар Академияның білім беру бағдарламаларының тәжірибеге бағдарлануын арттыру, жүргізіліп жатқан реформаларды ғылыми-талдамалық сүйемелдеу мәселелері қарастырылды.

Қатысушылар аналитикалық жазбалардың түрлері қай мемлекеттік органға немесе саяси институтқа қажет екеніне байланысты болатынын айтып, ортақ пікірге келді.

Академияның Білім беру саясаты орталығының басшысы Гульсара Джунусбекова өз сөзінде жоғары оқу орындары, ғылыми-зерттеу институттары және Мемлекеттік басқару академиясы мемлекеттік басқару мен мемлекеттік қызмет жүйесін жаңғырту үшін ұсынымдары бар талдамалық жазбаларды жіберу арқылы мемлекеттік органдардың жұмысын жақсартуға септігін тигізе алатынына назар аударды.

Қазақстан Республикасы Президенті жанындағы Қазақстандық стратегиялық зерттеулер институтынан шақырылған сарапшы Жолдыбалина Алуа Серікқызы өз тәжірибесімен бөлісті және зерттеу тақырыбы бойынша, адресаты, сипаты мен мазмұны бойынша, сондай-ақ экономиканың барлық салаларының негізгі критерийлері бойынша талдамалық жазбаларды бөлуді ұсынды.

Сараптамалық кездесудің қорытындысы бойынша барлық ұсыныс мемлекеттік органдарға жіберілетін аналитикалық жазбалардың сапасын одан әрі арттыру, жетілдіру үшін ескеріліп, жүйеге келтірілетін болады.

ҚР Мемлекеттік басқару академиясына Корей елінің Адами ресурстарды дамыту ұлттық институтының (National Human Resources Development Institute, NHI) делегациясы келді.

Корей Адами ресурстарды дамыту ұлттық институтының Президенті Ким Чэ-Хван ҚР Мемлекеттік қызмет істері агенттігі өкілдеріне, Академия басшылығы мен қызметкерлеріне «Саясатта жасанды интеллектті пайдалану» тақырыбында презентация жасады.

Презентация барысында мемлекеттік секторда жасанды интеллектті пайдалану мәселелері талқыланды. Талқылау барысында Агенттік, Академия және NHI басшылығы мемлекеттік секторда ЖИ-технологияларын дайындау және оны пайдаланудың маңыздылығын атап өтті. Сондай-ақ кездесуде екі ел арасындағы үздік тәжірибелермен алмасу және халықаралық ынтымақтастықты арттыру мәселелері қарастырылды.

Делегация мүшелері Академия вице-ректорларымен, Адами ресурстарды басқару институтының және Кәсіби даму институтының директорымен кездесіп, ортақ жобалар жүзеге асыру және мемлекеттік қызметшілерге арналған оқытулар ұйымдастыру туралы келіссөздер жүргізді.

Қазақстан мен Біріккен Араб Әмірліктері арасындағы келісім аясында «Kazakhstan Executive Leadership 2024» бағдарламасы бойынша қазақстандық мемлекеттік қызметшілерне арналған оқыту басталды. Оқыту бағдарламасы онлайн форматта басталып, офлайн шаралармен жалғасуда. Офлайн оқытудың 15-17 мамыр аралығында өтетін бірінші кезеңіне БАӘ-ден арнайы делегация келді.

Оқытудың басты мақсаты – екі елдің мемлекеттік органдары өкілдерінің арасындағы байланысты нығайту және тәжірибе алмасу. БАӘ министрлер кабинеті министрінің Бәсекеге қабілеттілік және тәжірибе алмасу мәселелері жөніндегі орынбасары Абдулла Нассер Лута болашақта Қазақстанмен ауқымды жобаларды жүзеге асыруға дайын екенін алға тартты.

«Бүгінде Қазақстан мен БАӘ арасындағы мәдени, экономикалық байланыс нығайып жатыр. Тек ол ғана емес, міне, бүгін мемлекеттік қызметкерлер тәжірибе алмасуда. Ол дегеніміз біз үшін де үлкен мәртебе. Алдағы уақытта ауқымды жобаларды бірлесіп жүзеге асыруға дайынбыз», – деді ол.

ҚР Президентінің жанындағы Мемлекеттік басқару академиясының ректоры Ерлан Әбілдің айтуынша, мемлекеттік қызметшілер оқу барысында өз жобаларын ұсынады.

«Оқуға орталық мемлекеттік органның вице-министрлері, департамент басшылары, Академияның өкілдері қатысып жатыр. Жалпы қатысушылар саны – 33, олар бірнеше топқа бөлінді. Сол топ бойынша өздерінің жобаларын іске асырып жатыр, БАӘ-ден келген мамандармен талқылай отырып, сол жобаларын ортаға ұсынатын болады. Біріккен Араб Әмірлігі – креативті индустрия, технологияны дамыту бойынша ресурстардың аздығына қарамастан өркендеу қарқыны өте жоғары ел. Олардың  тәжірбиесіне сүйеніп, дамып келе жатқан мемлекеттер саны артып келеді. Екі ел бірлесе мемлекеттік қызметкерлерді даярлауда бірнеше бағдарлама ұсынамыз. Оның ішінде саяси мемлекеттік қызметкерлерге стратегиялық жоспарлауды, стратегиялық ойлауды үйрету және көшбасшылық бағдарламалары бар», – деді ректор.

ҚР Цифрлық даму, инновациялар және аэроғарыш өнеркәсібі министрі Жаслан Мәдиев бүгін Ұлттық акселератордың іске қосылатынын жариялады.

«Өзекті проблемалық мәселелерді шешудің 100 күнінде БАӘ-нің жеделдету тәжірибесін зерделей отырып, осы тетікті Ұлттық жобалық кеңседе іске қосуды жөн көрдік. Мемлекеттік органдармен бірлесіп акселерациялау тақырыптары анықталды. Маңызды бағыттардың бірі – Capacity Building (әлеуетті арттыру), оның шеңберінде ҚР Президенті жанындағы Мемлекеттік басқару академиясымен бірлесіп, Мұхаммед бен Рашид мемлекеттік басқару мектебінің Executive Leadership Program бойынша Мемлекеттік органдардың басшыларын оқытамыз. Яғни, БАӘ-не цифрлық вице-министрлерімізді оқытуға жібереміз, олар жасанды интеллектті қолдана отырып, түрлі салалардағы мемлекеттік басқарудың жаңа тәсілдері мен әдістеріне оқытылатын болады», – деп атап өтті министр.

«Kazakhstan Executive Leadership Program 2024» оқыту бағдарламасына қатысушы Халықаралық бағдарламалар орталығы АҚ Басқарма төрағасы Әлия Оспанова жобаның көшбасшылар үшін маңыздылығын атап өтті.

 «Біріккен Араб Әмірлігі 100 күндікпен жұмыс істейді. Жобаның ұстаздары – Араб Әмірлігінің  50-100 жылдық стратегиялық құжаттарын жазған авторлар. Олардың қойған талаптары, көрсетіп жатқан тәжірбиелері бізге өте қызық. Қазақстанның көшбасшылары осы тренингке қатысып, сол озық тәжірибені меңгеруі керек», – деді қатысушы.

ҚР Президентінің жанындағы Мемлекеттік басқару академиясының баспасөз қызметі

2024 жылдың 17 мамыр күні Академияның Мемлекеттік саясаттың ұлттық мектебі магистранттары көшпелі дәріске қатысты. «ҚАЗАҚ МЕМЛЕКЕТТІЛІГІ ТАРИХЫ ЖӘНЕ БАСҚАРУ ЖҮЙЕСІ» тақырыбындағы дәрісті этнограф-ғалым, тарих ғылымдарының докторы, профессор Жамбыл Омарұлы Артықбаев өткізді. Көшпелі дәріс аясында магистранттар Щучинск қаласында орналасқан Қазақстандағы алғашқы жекеменшік мұражаймен, Жамбыл Омарұлының жылдар бойы жинаған еңбегімен танысты.

Этнограф мұражайға қойылған негізгі экспонаттарды екі жыл ішінде жинақтаған. Келушілерге қазақ халқының ұлттық мәдениетін, өзге де ұлттардың салт-дәстүрін көрсететін дүниелерді ұсынады. Ғалым Алтын орда заманының монеталарын, археологиялық қазба жұмыстары кезінде табылған заттарды жинаған. Жамбыл Омарұлы өз сөзінде Ғұн ханшайымы 1929 жылы Шортан өзенінің бойында табылғанын, оның суретін көріп, реставрация жасағанын атап өтті. Мұражайға келушілер өзге ұлт өкілдері қазақтың полихром мәдениетін, қазақ халқының қалалық мәдениетін көрсін деген ниетпен Түркістан отырықшылық мәдениетін қосқанын да айтты. Музейде ел тәуелсіздігіндегі маңызды кезеңдер, ұлттық мәдениетпен қатар Ақмола өлкесіне және Бурабай ауданы тарихына қатысты тың деректер ұсынылған. Мұражайда Көкшетау өңіріне келген туристер үшін, өскелең ұрпақ үшін аймақтың сан ғасырлардан бергі тарихы мен танымы топтастырылады. Музейді этнограф ғалым Жамбыл Артықбаев өз қаражаты есебінен ашты. Бұл – ел тарихындағы алғашқы жеке мұражай. Академия магистранттары жеке мұражайдың алғашқы келушілері болып тарихта қалды.

«Жеке музей ашу туралы ой 2020 жылы келді. Әр жылдары жинаған дүниелерім болды, бірақ негізгі экспонаттарды 2022 жылдан бері жинадым. Министрліктен бұл еліміздегі бірінші жекеменшік музей, ол туралы әлі ереже жоқ дегенде таңғалдым. Мұражайды артымда бір із қалса деген ниетпен ашып отырмын. Мектеп оқушыларына музей жұмысын үйретіп, шәкірт тәрбиелеп жатырмын», – деді тарихшы.

Қазіргі таңда мұражай жанынан «Арт Бурабай» шығармашылық шеберханасы салынып жатыр. Музей ғимараты Щучинск қаласының орталығында Абылай хан көшесі 10 мекенжайында орналасқан.

Академияның 30 жылдық мерейтойы аясында Мемлекеттік саясаттың ұлттық мектебінің директоры Талғат Жақиянов бастаған бір топ магистрант  Экоакцияға қатысты. Магистранттар 8 мамыр – Халықаралық музей күніне орай тарихшы Жамбыл Артықбаевтың жекеменшік музейінің айналасына абаттандыру, тазалау жұмыстарын жүргізді. Тарихшы магистранттарға ризашылығын білдіріп, қолғабыс көрсеткендеріне алғыс айтты.

Экоакция Бурабайда Абылайхан алаңындағы экскурсиямен жалғасын тапты. Демалыс барысында фотосессия ұйымдастырылып, бітіруші топтардың магистранттары сапар әдемі естелікке толы болғанын айтты.