Page 149 - Dissertation (3)

дармен тиімді жұмыс
істей білу
Ескерту – Автор зерттеу негізінде жасақтаған

Осылайша, ұсынылған толықтырулар мемлекеттік қызметшілердің
азаматтармен, әріптестермен және сыртқы әріптестермен өзара іс-қимыл
сапасын жақсартуға, сондай-ақ қазіргі заман талаптарына сәйкес келетін
неғұрлым терең коммуникативтік және келіссөздер құзыреттерін дамытуға
бағытталған.
Жалпы зерттеу нәтижелері Қазақстанның мемлекеттік қызметінде

коммуникативтік құзыреттерді тиімді дамыту үшін мемлекеттік қызметшілердің
кәсіби және жеке дағдыларын жетілдіруге бағытталған түрлі тәсілдерді енгізу
қажеттігін растайды. Бұған дағдарыстық коммуникация, цифрлық дағдылар,
мәдениетаралық өзара әрекеттесу бойынша нақты курстар және осы
құзыреттерді бағалау мен дамытудың тұтас жүйесін құру кіреді. Тәлімгерлік,
тағылымдамадан өту бағдарламаларын енгізу, сондай-ақ модельдеу және рөлдік
ойындар сияқты инновациялық оқыту әдістерін қолдану да маңызды қадамдар
қатарында болмақ. Халықаралық тәжірибені зерделеу және эмпирикалық зерттеу
қорытындылары аталған тәжірибелерді енгізу мемлекеттік органдар
жұмысының тиімділігін едәуір арттыратынын, азаматтарға қызмет көрсету
сапасын жақсартатынын және қоғамның мемлекеттік институттарға деген
сенімін нығайтатынын растайды. Қазақстан контекстінде халықаралық
тәсілдерді бейімдеу уақыттың сын-тегеуріндеріне тиімді жауап бере алатын
неғұрлым икемді, заманауи бағдарланған және орнықты мемлекеттік қызметті
құруға ықпал ететін болады.

149