Page 4 - Аңдатпа

жылдың 28 қарашасында Түркістан және Алматы қалаларында тұратын
азаматтар арасында құрылымдалған сауалнама жүргізілді. Сауалнамаға 676
респондент қатысып, олардың жауаптары тұрғындардың Smart City
компоненттерін қабылдау деңгейін, цифрлық инфрақұрылымға қатысуын
және жобаларға деген сенімін бағалауға мүмкіндік берді.
Алынған алғашқы деректер статистикалық өңдеуден өткізіліп, факторлық
және салыстырмалы талдаулар жүргізілді. Сонымен қатар, зерттеу нәтижелері
негізінде PLS-SEM (Partial Least Squares Structural Equation Modeling)
құрылымдық моделі құрастырылды. Бұл модель тұрғындардың ақылды қала
бастамаларын қабылдауына әсер ететін негізгі факторларды анықтап,
көрсеткіштер арасындағы себеп-салдарлық байланыстарды айқындауға
мүмкіндік берді. Деректердің факторлық талдауға жарамдылығы Kaiser-
Meyer-Olkin (KMO) және Bartlett тесттері арқылы тексеріліп, зерттеудің
эмпирикалық негізінің сенімділігі қамтамасыз етілді.
Осы әдістердің үйлесімді қолданылуы Түркістан қаласындағы Smart City
жобаларының қоғамдық қабылдану ерекшеліктерін жан-жақты бағалауға және
институционалдық басқару тетіктерінің әлеуметтік тиімділігін анықтауға
жағдай жасады.
Ғылыми даму бағыттары мемлекеттік бағдарламаларға сәйкестігі
Қазақстан Республикасының «Қазақстан – 2050» стратегиясы да ұзақ
мерзімді даму мақсаттарына бағытталған. Бұл стратегияда Қазақстанның
дамуы мен тұрақтылығын қамтамасыз ету үшін тиімді басқару жүйесін құру,

инновациялар мен жаңа технологияларды енгізу және мемлекеттік қызмет
көрсетуді цифрландыру басты міндет ретінде қойылған. Түркістан қаласының
ақылды қала моделін дамыту осы стратегияның аясында қарастырылып,
мемлекеттік реттеу жүйесін оңтайландыру мен ресурстарды тиімді
пайдалануды қамтамасыз етуге бағытталған.
Тұрақты даму мақсаттары негізінде ақылды қаланы мемлекеттік реттеу
жолдары Түркістан қаласында «Қазақстан – 2050» стратегиясының
мақсаттарына сай жүзеге асырылуда. Ақылды қала технологияларының
енгізілуі қала инфрақұрылымын, экологиясын және әлеуметтік саласын
дамытуға бағытталған мемлекеттік бағдарламаларға толық сәйкестігін
қамтамасыз етеді. Бұл ретте, сыртқы және ішкі тәуекелдерге әсер ететін
факторларды алдын ала анықтап, оларды оңтайландыру үшін ақпараттық
жүйелерді енгізу және деректерді жинақтау мен талдаудың заманауи
тәсілдерін қолдану маңызды болып табылады.
Мемлекеттік реттеу мен ақылды қала моделін дамыту стратегиялық
жоспарлар мен мемлекеттік бағдарламаларды іске асыру арқылы Түркістан
қаласында экологиялық, экономикалық және әлеуметтік тұрақтылықты
қамтамасыз ету мүмкіндігі артады. Сонымен қатар, қалада жүргізілетін
басқару реформалары мен жобалар мемлекеттік қызмет жүйесінің
трансформациясына, сонымен қатар ресурстарды оңтайлы пайдалану мен
әкімшілік қателіктерді минимизациялауға бағытталған.
2023–2029 жылдарға арналған Цифрлық трансформация тұжырымдамасы
аясында Түркістан қаласында деректерге негізделген басқару жүйелері,