Page 2 - Document

инфрақұрылымын басқаруда қандай құралдар мен тетіктер тиімді екендігі
проблемалық күйінде қалып отыр. Осылайша, Қазақстанда қазіргі заманғы
спорт инфрақұрылымының жағдайын зерделеуге, әлеуметтік топтардың әртүрлі
спорт түрлерімен, соның ішінде қалалық және ауылдық жерлерде айналысудағы
қажеттіліктеріне, сондай-ақ еліміздің спорт инфрақұрылымын мемлекеттік
басқаруды қалай жақсартуына баға беруге бағытталған ғылыми және
эксперименттік зерттеулерде айтарлықтай теориялық алшақтық бар.
Зерттеудің мақсаты – спорттық инфрақұрылымды мемлекеттік
басқарудың инновациялық құралдарын әзірлеу.
Зерттеу нысаны - Қазақстан Республикасындағы спорт инфрақұрылымын
мемлекеттік басқару болып табылады.
Зерттеу пәні - спорт инфрақұрылымын мемлекеттік басқарудың қазіргі
шаралары мен әдістері, бұқаралық спорт саласында туындайтын ұйымдық-
құқықтық қатынастар болып табылады.
Зерттеу міндеттері:
- Қазақстандағы спорт инфрақұрылымын Мемлекеттік басқарудың
қолданыстағы жүйесіне талдау жүргізу және зерделеу;
- спорттық инфрақұрылымды Мемлекеттік басқарудың әлеуметтік-
экономикалық және құқықтық аспектілерін ашу;
- әлемнің озық елдеріндегі спорттық инфрақұрылымды дамыту және
басқару үрдістерін зерделеу және талдау. Қазақстанда спорт инфрақұрылымын
тиімді басқаруды тежейтін себептерін белгілеу;

- мемлекеттік басқару тетіктерін жетілдіру және спорт инфрақұрылымын
дамыту жөнінде, сондай-ақ спорт нысандарын басқаруда, оның ішінде санды
технологиялар арқылы инновациялық тәсілдерді енгізу жөнінде шараларды
қабылдау қажеттігін негіздеу.
Зерттеудің теориялық және әдіснамалық қоры. Зерттеуде жалпы
ғылыми, сапалық және сандық әдістер қолданылды (салыстырмалы талдау және
синтез, жүйелік талдау және мазмұнды талдау, кейс-стади, әлеуметтанулық
сауалнама). Спорттық инфрақұрылымды дамыту мен басқарудың отандық және
шетелдік тәжірибесі теориялық негіз болды. Спорттық инфрақұрылым
басқармасында заңдылықтарды анықтау үшін жағдайлық зерттеу, заңнамалық
актілер мен нормативтік құқықтық құжаттарды талдау, жүйелі талдау және
мәнмәтін-талдау әдістері, Қазақстан өңірлерінің дене шынықтыру және
бұқаралық спортқа айналатын азаматтардың спорт құрылыстарымен қамтамасыз
етілуін салыстырмалы талдауы қолданылды. Зерттеу сонымен қатар спортты
дамытуға арналған жергілікті бюджеттердің шығындарына сүйенеді.
Зерттеудің ақпараттық қоры: ресми және статистикалық деректер, ҚР
ХОК және ҰОК құжаттары, ҚР Үкіметі жанындағы спорт жөніндегі кеңес
отырыстарының материалдары, ҚР Президентінің Жарлықтары мен Премьер-
Министрінің өкімдері, ҚР Үкіметінің қаулылары, ҚР Парламентінің, ҚР
Үкіметінің жұмыс топтары мен комиссиялары дене шынықтыру және спорт
саласына қатысты мәселе бойынша, сондай-ақ осы саладағы нормативтік және
құқықтық актілер.

2