Page 6 - KAZ Академиялық саясат 2025

3.38. ББ үйлестіру – білім алушылардың жеке білім беру траекториясын білім
алушылармен бірлесіп әзірлеуді, қалыптастыруды және үйлестіруді, білім
алушыларға жеке даму жоспарларын толтыру бойынша қолдау көрсетуді,
практика/тағылымдама бағдарламаларын дайындауды, LMS толтыра отырып,
практикадан/тағылымдамадан өтуді үйлестіруді, ББ әзірлеу бойынша
Институт/МСҰМ басшылығына көмек көрсетуді, ББ күтілетін нәтижелерін ескере
отырып, пәндердің силлабустарын әзірлеу бойынша басқа ОПҚ-ға көмек көрсетуді
көздейді. ББ үйлестіру ОПҚ-ның педагогикалық жүктемесіне қосылады;
3.39. мемлекеттік аттестаттау комиссиясының техникалық хатшысы – комиссия
жұмысын техникалық сүйемелдеуді жүзеге асыратын, оның ішінде мәтіннің
бірегейлігі тұрғысынан (басқа мәтінді пайдалану және түпнұсқалығы тұрғысынан)
магистрлік жобаны тексеруді; пікірлер мен рецензиялар алу процесін үйлестіруді;
норманы бақылауды жүзеге асыруды; комиссия отырыстарын және қорғауды
ұйымдастыру мен өткізуді; қорытынды аттестаттау бойынша құжаттаманы
дайындауды және тапсыруды қамтитын адам;
3.40. ғылыми жетекші – магистрлік жоба шеңберінде магистранттың зерттеу
жүргізуі бойынша ғылыми басшылықты, консультациялық, ұйымдастырушылық және
сараптамалық жұмысты жүзеге асыратын адам;
3.41. ғылыми консультант – докторлық диссертация шеңберінде докторанттың
зерттеу жүргізуі бойынша ғылыми басшылықты, консультациялық,
ұйымдастырушылық және сараптамалық жұмысты жүзеге асыратын адам;
3.42. зерттеудің алдын ала нәтижелері – мақалалар жариялау, ғылыми
форумдар мен конференциялар аясында баяндамалар, далалық зерттеулер жүргізу
(социологиялық сауалнама, сараптамалық сауалнама, сараптамалық сұхбат);
3.43. дәлелді себептер – құжат түрінде еңбекке уақытша жарамсыздық туралы
парақпен расталған медициналық көрсетілімдер, сондай-ақ форс-мажорлық мән-
жайлар: су тасқыны, өрт, табиғи және техногендік сипаттағы басқа да табиғи апаттар.

4. Академияның профессор-оқытушылар құрамы,
білім алушылары мен қызметкерлерінің
мінез-құлық стандарттары

4.1. ҚР заңнамасында және Академияның ішкі құқықтық актілерінде
белгіленген, білім алушыға қойылатын талаптарды сақтау;
4.2. Білім алушының жеке даму жоспарында жазылған мақсаттар мен
міндеттерді уақытылы және тиісінше орындау;
4.3. Академияда оқу кезеңінде киімнің офистік-классикалық стилін ұстану;
4.4. Өзінің жұмысқа және оқуға қатынасы арқылы ұжымда жағымды
моральдық-психологиялық жағдайды қалыптастыруға ықпал ету;
4.5. Қызметтік субординация пен іскерлік этикетті сақтау;
4.6. Жалпы қабылданған моральдық нормаларды сақтау және
жалпыадамзаттық құндылықтарды құрметтеу;
4.7. Академиялық адалдық нормаларын сақтау;
4.8. Өзінің кәсіби, басқарушылық және жеке құзыреттерін дамыту;
4.9. Жаһандық сын-қатерлер мен бәсекелестік жағдайында тиімді шешімдер
қабылдауға дайындығы мен қабілеттілігін көрсету;
4.10. Тұрақты өсу мен инклюзивтік даму үшін өңірлік және жаһандық ауқымдағы
мәселелерді шешуге қатысты практикалық ұсынымдар әзірлеуге дайындығы мен
қабілеттілігін көрсету.