Page 97 - Dissertation (3)

– қоғаммен кері байланысты жүйелі түрде жинау және оны талдап, нақты
шешімдер қабылдау үшін қолдану қажет;
– цифрлық шешімдер мен платформалар коммуникацияны жедел, ашық
және тиімді ету үшін маңызды құрал ретінде пайдаланылуы тиіс.
Осы шараларды іске асыру мемлекеттік аппараттың азаматтармен
байланысын күшейтіп, тиімділігін арттыруға және «Халық үніне құлақ асатын
мемлекет» қағидатын нақты мазмұнмен толтыруға мүмкіндік береді.

2.3 Мемлекеттік органдардың коммуникативтік стратегияларын
жүзеге асырудағы қызметшілердің коммуникативтік құзыреттерінің
факторлары
Мемлекеттік органдардың коммуникативтік стратегияларын іске асыруда
қызметкерлердің коммуникативтік құзыреттілігін зерттеу ерекше маңызға ие.
Өйткені қазіргі жағдайда мемлекеттік басқарудың тиімділігі тек кәсіби білім мен
дағдыларға ғана емес, сонымен қатар әртүрлі мүдделі тараптармен тиімді
коммуникация орната білу қабілетіне де тәуелді.
Ақпараттық технологиялардың қарқынды дамуы, азаматтар мен қоғам
тарапынан қойылатын талаптардың артуы, сондай-ақ мемлекеттік ақпараттың
ашықтығы мен қолжетімділігіне деген сұраныстың өсуі жағдайында
коммуникативтік құзыреттер мемлекеттік қызметтің ажырамас бөлігіне
айналуда:
1. Ақпараттың ашықтығы мен қолжетімділігі.
Ағымдағы зерттеуде көптеген респонденттер мемлекеттік органдардағы
ақпараттың ашықтығы мен қолжетімділігі азаматтардың сенімін арттырудың
негізгі факторы болып табылатынын атап өтті. Мысалы, респондент R-1 мұны

көрсетті:
«Азаматтардың ақпаратқа қолжетімділігін жақсартуда онлайн
платформаларды құру маңызды. Алайда іс жүзінде барлық мемлекеттік
органдар бұл құралды белсенді түрде пайдалана бермейд»і.
Келесі респонденттер тағы мына аспектілерге назар аударды.
«Telegram арналары сияқты платформалар жаңартылған ақпаратты
алуға көмектеседі, бірақ жердегі сапа мен тиімділік әлі де нашарлайды» (R-9).
«Мен тікелей 1 басшыға, тіпті ел президентіне WhatsApp-ты
пайдалануды ұсынар едім. Яғни, мен ел президенті болсам, менің тікелей
байланысым мынау дер едім. Маған жазыңыз, мен мемлекеттік қызметшілерге
бір жыл немесе алты ай уақыт беремін, сонда жаңа жағдайға бейімделе
аласыз. Ал осы дайындық мерзімі біткен соң, маған дабылдар түссе, сәйкесінше,
біреу жұмыс істемейді, біреу жұмыс істемейді, яғни мемлекеттік
қызметшілердің ашықтығы болуы керек. Ал егер белгілі бір аймақтан немесе
белгілі бір саладан немесе белгілі бір нақты мәселелер бойынша президентке
белгілі бір үлкен көлемдегі сигналдар келіп түссе, онда бұл фактілер расталса,
белгілі бір адамдардың кәсіби дәрменсіздігі туралы мәселені көтеру қажет» (R
-6).

97