Page 96 - Dissertation (3)

Бұл жетістіктер шынайы халық үніне құлақ асатын мемлекет құру
жолындағы үлкен қадам. Дегенмен, бұл ретте мемлекеттің азаматтардың пікірін
қабылдау және есепке алу қабілеті де аса маңызды.
Жүргізілген эмпирикалық зерттеу деректері мен респонденттердің
пікірлері еліміздің мемлекеттік қызмет жүйесінде азаматтарды нақты тыңдау
және жауап беру механизмдері әлі де толық жетілмегенін көрсетеді. Сауалнамаға
қатысушылардың бірі атап өткендей: «Біз өтініштерді қабылдаймыз, жеке
қабылдаулар өткіземіз, консультативтік-кеңесші органдарды құрамыз, бірақ
содан қабылдаған шешімді толық тарата алмаймыз, кері байланыс жоқ» (R-
14).
Сондықтан, цифрлық мәртебеден халық үніне құлақ асушы мәртебесіне
көшу үшін әлі де біраз ауқымды шаралар қажет сияқты.
Жалпы зерттеу нәтижелері Қазақстандағы мемлекеттік қызметшілердің
коммуникативтік құзыреттілігі қазіргі кезеңде мемлекеттік басқару тиімділігінің
маңызды құрамдас бөлігіне айналғанын көрсетеді. Осы зерттеуге
қатысушылардың басым бөлігі қызметтік уақытының 50–80 пайызын
азаматтармен және әріптестерімен өзара іс-қимыл жасауға жұмсайтынын атап
өтті. Бұл өз кезегінде коммуникацияның тек қосалқы функция емес, мемлекеттің
күнделікті жұмысының өзегі екенін дәлелдейді.
Мемлекеттік қызметшілердің пікірінше, тиімді коммуникация тек хабарды
жеткізу емес, сонымен қатар эмоционалдық тұрақтылықты сақтау, тыңдай білу,
сұрақ қою, пікірталас жүргізу және диалог орнату сияқты кешенді дағдыларды
қамтиды. Бұл құзыреттіліктің көпдеңгейлі сипатын көрсетеді. Яғни, құзыреттілік
тек тілдік немесе техникалық біліктілікпен шектелмейді, ол тұлғалық
қасиеттермен тығыз байланысты.

Зерттеу барысында бейвербалды коммуникацияның да маңыздылығы
айқындалды. Жест, мимика, дауыс ырғағы сияқты элементтер хабарламаның
қабылдануына тікелей әсер етеді. Бұл аспектілерге назар аудару ‒ кәсіби
коммуникацияның жаңа деңгейіне көшуге мүмкіндік береді.
Цифрландырудың артуы мемлекеттік қызметшілердің коммуникативтік
құзыреттеріне жаңа талаптар қояды. Электронды платформалар, әлеуметтік
желілер, кері байланыс жүйелері сияқты құралдар азаматтармен үздіксіз
байланыс орнатуға жол ашады. Сонымен қатар, мемлекеттік органдардың
цифрлық ашықтығы мен қолжетімділігі артқан сайын, халықтың сенімі мен
қанағаттану деңгейі де соған сәйкес жоғарылайды. Алайда, кейбір респонденттер
қоғамнан келетін кері байланысты жинау және оны нәтижелі түрде жеткізу
жүйесінің жетілмегенін атап өтті.
Жалпы алғанда, зерттеу келесі негізгі тұжырымдарды жасаға мүмкіндік
береді:
– мемлекеттік қызметшілердің кәсіби дамуы үшін коммуникациялық
құзыреттерге ерекше назар аудару қажет;
– коммуникация тек вербалды құралдармен шектелмейді, ол тұлғалық
қасиеттер мен цифрлық құралдарды да қамтиды;

96