Page 94 - Dissertation (3)

Бұл тұста, осы зерттеуге қатысқан респонденттер коммуникацияны
жақсарту үшін цифрландырудың маңыздылығын атап көрсетеді.
«Мемлекеттік сектордағы өзара әрекеттесуге қатысушыларының
коммуникативтік құзыреттіліктеріне үлкен деректерді талдау құралдарын
пайдалана отырып, болжамдық сценарийлерді зерттеуге бағытталған
болжамды әзірлеу құралдарын кеңінен қолдануға оң әсерін тигізеді» (R-1).
«Иә, мәселені шешу үшін, ең алдымен, жүйелілік пен оның жылдам
орындалуы қажет» (R-3).
«Цифрландыру және алгоритмдеу тұтынушыларға көрсетілетін
мемлекеттік қызметтердің сапасын арттырады. Цифрландыру мемлекеттік
қызметтердің қолжетімділігін арттыра отырып, азаматтардың
өтініштеріне жылдам жауап беруге мүмкіндік беретін сияқты» (R-5).
Цифрландыру мемлекеттік қызметтердің қолжетімділігін арттырады деген
тұжырымды П. Котлердің (Kotler, 2018) зерттеулері де қолдайды. Автор
электронды платформаларды енгізу мемлекеттік қызмет процестерін
айтарлықтай жылдамдатуға және қызмет көрсету сапасын арттыруға
көмектесетінін көрсетеді [174]. Цифрлық технологияларды енгізу де қателер
ықтималдығын азайтады және мәселені шешуді тездетеді.
Осы тұрғыда Р.Л. Хиттің (Heath, 2020) жұмысы мемлекеттік органдардағы
процестерді цифрландыру коммуникация тиімділігін арттыруға және
азаматтармен өзара әрекеттесудің неғұрлым ашық жүйесін құруға
көмектесетінін растайды [175]. Ресей тәжірибесінде де бұл процесс белсенді
түрде талқыланып, Е.В. Кубанцева (2023) мемлекеттік органдардың жұмысына
цифрлық технологияларды енгізу азаматтарға қызмет көрсетудің тиімділігін
ғана емес, дәлдігін де арттыратынын атап көрсетті [176].

Осылайша, мемлекеттік қызмет көрсету сапасын арттыру үдерісінде
азаматтардың кері байланысы маңызды рөл атқарады. Тұрақты кері байланыс
алу қызмет көрсету жүйесінің әлсіз тұстарын анықтауға және кемшіліктерді тез
арада жоюға көмектеседі.
Бұл ретте, азаматтардың пікірлерін жинау және талдау арқылы
мемлекеттік органдар өз жұмысын реттей алады және олардың үкіметпен өзара
әрекеттесуіне халықтың қанағаттануын арттыра алады. Бұған қоса, осы зерттеуге
қатысқан респонденттер тұрақты кері байланыс мемлекеттік қызмет көрсету
сапасын айтарлықтай жақсартуға мүмкіндік беретінін баса айтады.
«Біз мемлекеттік органдардың жұмысын жақсарту үшін кері
байланысты белсендірек жинауымыз керек» (R-9).
«Біз қандай коммуникация туралы айтып отырмыз, жұмыстың қандай
тиімді коммуникациялық әдістері туралы айтып отырмыз ба? Егер біз,
мысалы, хаттарды қабылдасақ, жеке кездесулер өткізсек, консультативтік-
кеңесші органдарды құрсақ, осының бәрін тыңдасақ, содан кейін біз жай ғана
кері байланыс жібере алмаймыз - кері байланыс жоқ» (R-14).
«Бұл кері байланыс тізбегі шығар: сізді ренжітетін адамдар неғұрлым аз
болса, жұмыс соғұрлым жақсы болады» (R-16).

94