Page 92 - Dissertation (3)

қамтылған топтар ішінде едәуір жоғары көрсеткішті көрсеткен. Дәлірек
айтқанда, прокуратураға сенетіндердің үлесі 66%, полицияға сенетіндердің үлесі
– 61,6%, сыбайлас жемқорлыққа қарсы қызметке сенетіндердің үлесі – 50,9%,
экономикалық тергеу қызметіне сенетіндер – 47,8%, сот жүйесіне сенетіндер -
61,8% және өртке қарсы қызметке сенетіндердің үлесі – 79,4% болған [168].
2025 жылғы аралық зерттеуде «Құқық қорғау органдарына сенім артуға
болады деген тұжырыммен келісесіз бе?» деген сұраққа «Толық келісемін» деген
нұсқаны респонденттердің 37,5%-ы прокуратураға, 36,4%-ы полицияға, 24,4%-ы
сыбайлас жемқорлыққа қарсы қызметке, 22%-ы экономикалық қызметке
қатысты таңдаған [169]. Респонденттердің елеулі бөлігі 45,7 және 38,5%
экономикалық тергеу қызметі мен сыбайлас жемқорлыққа қарсы қызметпен
ешқашан әрекеттестікте болмағанын атап көрсеткен. Көріп отырғанымыздай
құқық қорғау саласына деген халықтың сенімділігі деңгейінде 2025 жылғы
кезеңде айтарлықтай өзгерістер барын көруге болады.
Бұған қоса Қазақстанда үкімет бастамалары бойынша қоғаммен кері
байланыс орнату жолында екпінді іс-шаралар қабылданып жатқанын да атап
кету керек. Атап айтқанда, ҚР Мәдениет және ақпарат министрінің 2024 жылғы
16 қаңтардағы бұйрығымен мемлекеттің ұсынылған немесе жүзеге асырылатын
жобалары мен бастамалары бойынша қоғамдық пікірді жинау және бағалау
әдістемесі бекітілген [170].
Көрсетілген әдістемеге сәйкес, мемлекет тарапынан ұсынылатын және іске
асырылатын жобалар мен бастамалар бойынша қоғамдық пікірді жинауды және
зерделеу мынадай тетіктер арқылы жүзеге асырылады:
‒ нормативтік құқықтық актілердің жобалары бойынша келіп түскен
ескертулер мен ұсыныстар бойынша ашық нормативтік құқықтық актілердің

интернет-порталына мониторинг жүргізу;
‒ ашық бюджеттер интернет-порталында бюджеттік бағдарламалардың
жобалары және бюджеттік бағдарламалардың іске асырылуы туралы есептер
бойынша келіп түскен ескертулер мен ұсыныстарға мониторинг жүргізу;
‒ жеке және заңды тұлғалардан келіп түсетін өтініштерді, сондай-ақ
мемлекеттік органдардың әлеуметтік желілердегі ресми аккаунттарына
пайдаланушылардың мемлекеттік жобалар мен бастамаларға қатысты қоғамдық
пікірді талдау;
‒ іске асырылып жатқан мемлекеттік жобалар мен бастамалардың аралық
және түпкілікті нәтижелері туралы ақпаратты көпшілікке жария ету;
‒ интернет-порталда ашық диалог, интернет-конференциялар және
сауалнамалар жүргізу.
Осылайша, көретілген іс-шаралардың нәтижелері мемлекеттік
органдардағы заңнамалық қызметінде, мемлекеттік жоспарлау жүйесінің және
бюджеттік бағдарламалардың көптеген құжаттарын әзірлеу кезінде
пайдаланады.
Жалпы, мемлекеттік органдардағы стратегиялық коммуникацияларды
басқару азаматтармен және мемлекеттік құрылымдар ішінде өзара іс-қимылдың
тиімді әдістері мен саясатын әзірлеуді, сондай-ақ ұтымды енгізуді қамтиды.

92