Page 89 - Dissertation (3)

«Барлығы шамамен бір деңгейде, мен бөліп жарып айта алмаймын» (R-7).
«Әрине, офлайн коммуникация болған дұрыс» (R-9).
«Ең жақсысын атап өтейін, мысалы, карантиндік пандемия кезінде
бірде-бір мемлекеттік орган жұмысын тоқтатқан жоқ» (R-11).
«Ең жақсысы: әңгімелесу кезінде түсініксіз мәселелердің ара-жігін
ажыратып береді. Ең сорақысы: көп жағдайда колл-центрлерде мәселені
толық түсіндіре алмайды» (R-13).
Бұл нәтиже мемлекеттік органдарда байланыс сапасының біркелкі
еместігін көрсетеді. Осы саладағы зерттеулер де, мысалы, Тарасов (2018) және
Максимова & Резердің (2020) еңбектері мемлекеттік қызметшілердің
азаматтармен ұтымды коммуникация жасауы үшін вербалды және бейвербалды
дағдылардың маңыздылығын атап көрсетеді. Авторлар бұл құзыреттер
қоғамның мемлекеттік қызметшілер мен мемлекеттік органдардың жұмысын оң
қабылдауына әсер етеді [156, 157].
Брагина және оның соавторлары (2016) табысты коммуникация вербалды
және вербалды емес компоненттер арасындағы синергияны қажет ететінін
көрсетеді [158]. Бұл қоғамның мемлекеттік қызметшілердің жұмысына деген
сенімділігін арттыруға көмектеседі. Осы мәселені зерттеген тағы басқа ресейлік
авторлар, мысалы, Г.И. Герасимова (2023) және Богданов С. (2017) вербалды
емес компоненттерді тиімді пайдалана алмау қоғамның мемлекеттік органдарға
деген сенімінің деңгейін төмендететінін растады [159, 160]. Сондықтан да,
қоғамның мемлекеттік органдармен коммуникациясының сапасына тікелей
байланысты.
Осы тұста азаматтардың мемлекеттік қызметшілермен өзара
коммуникациясының деңгейіне қанағаттануын бағалау мемлекеттік қызмет

саласындағы коммуникативтік құзыреттердің ахуалын талдау үшін өте маңызды.
Қанағаттану деңгейінің төмендігі қарым-қатынас проблемаларын және
қызметкерлердің жеткіліксіз біліктілігін көрсетуі мүмкін.
Бұл тұста, респонденттердің осы аспектіге қатысты алынған жауаптар
өздерінің көптүрлілігімен ерекшеленеді. Кейбір респонденттер мемлекеттік
қызметкерлердің коммуникативтік қзыретіне қанағаттану деңгейінің жоғары
екенін атап өтсе, басқалары жақсарту қажеттігін айтады.
«Көбінесе мемлекеттік қызмет көрсету мәселелері бойынша жергілікті
атқарушы органдармен өзара іс-қимыл жасалады. Қарым-қатынас ресми,
жазбаша түрде көбірек болады» (R-3).
«Біз жер, мәдениет, экономика, денсаулық сақтау, білім беру, ауыл
шаруашылығы, әлеуметтік қамсыздандыру, құрылыс, тұрғын үй-коммуналдық
шаруашылық құрылымдарымен көбінесе етене тығыз байланыста боламыз.
Осы аталған құрылымдардың барлығында тиісті жұмыс тәжірибесі, еңбек
өтілі бар адамдар жұмыс істейді, сондықтан біз барына үйлесімді түсіністік
деңгейінде жұмыс істейміз. Иә, сондықтан да нәтижеге қанағаттанамыз» (R-
5).
«Төмен дайындық деңгейі байқалады. Иә, мемлекеттік қызметшілердің
барлығында дерлік коммуникативтік құзырет дамыған деп айта алмаймын. Иә,

89