Page 86 - Dissertation (3)

Осылайша, сауалнама нәтижелері мамандандырылған білім беру
бағдарламаларын енгізуді, жүйелі оқытуды және үлгерімді бағалауды қоса
алғанда, коммуникациялық құзыреттерді дамыту үшін институционалды
қолдаудың қажеттілігін көрсетеді. Мемлекеттік қызметтің заманауи
трансформациясы жағдайында тиімді коммуникация оны жаңғыртудың және
халықтың сенімін арттырудың құрамдас бөлігіне айналуда.
Бұл ретте диссертациялық жұмыс шеңберінде жүргізілген тереңдетілген
сұхбаттың мақсаты ‒ респонденттердің «коммуникациялық құзыреттер»
түсінігін, сондай-ақ олардың мемлекеттік қызметтегі коммуникацияға қатысты
тұжырымдарды түсіну деңгейін анықтау болды. Сәйкесінше, мемлекеттік
қызметшілердің коммуникация түсінігіне қатысты ойлары жәні пікірі келесідей
болды.
«Менің ойымша, мемлекет халықтың алдында ашық есеп беруі керек.
Сондықтан, ең алдымен, әлеуметтік шиеленіс болмас үшін конструктивті
диалог болуы керек, өйткені мемлекеттің міндеті ең алдымен адамдардың
құқықтары мен міндеттерін қорғау болып табылады» (R-4).
«Бұл тек декларация, артық ештеңе емес. Өйткені, соңғы үш жылдың
тәжірибесі көрсеткендей, «Халық үніне құлақ асатын мемлекет»
тұжырымдамасы жарияланғаннан кейін мемлекеттік органдардың
қызметінде түбегейлі өзгерістер байқалмады, тұжырымдама іс жүзінде
декларация деңгейінде қалды» (R-2).
«Мен 50/50 деп айта аламын. Оң -50% және теріс -50%, менің ойымша.
Көбінесе барлығы мемлекеттік қызметшілердің құзыреттілігіне, олардың
жеке басына және адамдармен тіл табыса білуіне байланысты» (R-8).
Шынында да, мемлекеттік қызметшілердің коммуникативтік құзыреттілігі

көбінесе олардың кәсіби дағдылары мен әртүрлі жағдайларда тиімді
коммуникация орната білу қабілетіне байланысты. Бұл құзыреттіліктің маңызды
бөлігі – теориялық дайындық пен практикалық дағдылар, соның ішінде тыңдау,
өз көзқарасын дәлелдеу және алынған ақпарат негізінде шешім қабылдау бар.
Осы тұрғыда респонденттер қызметкерлердің коммуникативтік
құзыреттері мемлекеттік органдар мен үкіметтік емес ұйымдар өкілдерінің
арасындағы тиімді өзара коммуникацияға қаншалықты мүмкіндік беретініне
қатысты өз пікірлерімен бөлісті.
«Екі жақтың да біліктілігі өте жоғары болуы керек деп есептеймін.
Менің ойымша, бұл талаптарды тек мемлекеттік құрылымдарға қою дұрыс
емес, өйткені оларда априори біліктілік жоғары болуы керек. Егер мемлекеттік
қызметші бұл қызметке кіріссе, онда оның біліктілігі жоғары болуы тікелей
міндеттеме. Сондықтан бұл жерде біліктілік міндетті шарт деп санаймын»
(R-12).
«Барлық мемлекеттік қызметшіді бірдей шкала бойынша бағалау қиын.
Тамаша жұмыс істейтін мемлекеттік ұйымдар бар. Дегенмен, кейбір
әкімдіктер мен басқармалардың, мысалы, білім басқармасы мамандардың
деңгейі әрқашан жақсы әсер қалдыра бермейді. Мұндай мамандардың біліктілігі

86