Page 82 - Dissertation (3)

100% 14.8
90% 9.0

80% 15.8
70% 14.2
60% 7.4
50% 19.1

40% 6.1
30% 7.3

20% 3.4
10% 1.6
10%-дан аз 1.2

Сурет 4 – Мемлекеттік қызметкерлердің жұмыс уақытының қанша пайызы
коммуникацияға (ақпарат алмасуға, оның ішінде өзара іс-қимылға, қарым-
қатынасқа, әріптестермен, жоғары тұрған мемлекеттік органдармен,
басшылықпен, азаматтармен, қызмет алушылармен байланыс және т.б.)
жұмсалады?

Респонденттердің көпшілігі жұмыс уақытының едәуір бөлігін
коммуникацияға жұмсайтынын көрсеткен. Бұл мемлекеттік қызметшілердің
қызметтік функцияларының елеулі бөлігі – ақпарат алмасу, кеңес беру, жауап
беру және келісу процесімен байланысты екенін білдіруі мүмкін.
Жоғары пайыздық көрсеткіштер коммуникациялық дағдылардың кәсіби
құзыреттіліктің негізгі бөлігі екенін және оларды жүйелі дамыту қажеттігін
айғақтайды.
Берілген диаграммалар мемлекеттік қызметшілер арасында
коммуникациялық дағдыларға мән берілетінін және оларды дамыту маңызды
екенін көрсетеді. Алайда, өзіндік бағалаудың сәл төмен болуы, көлденең
(әріптестік) деңгейдегі коммуникацияның әлсіздігі, сондай-ақ бейвербалды
дағдыларға көңіл аудару қажеттігі айқындалды. Бұл мемлекеттік органдарда
коммуникативтік құзыреттерді кешенді дамыту бойынша нақты шаралар
қабылдау қажеттігін көретуі мүмкін, оның ішінде арнайы тренингтер,
коммуникациялық стандарттарды енгізу, тиімді кері байланыс жүйесін дамыту
және коммуникациялық мәдениетті нығайту сияқты шаралар қамтыла алады.
Осы саладағы ұқсас зерттеулер, оның ішінде Альберт Мехрабианның
(1971) классикалық зерттеуіне сүйенсек, тұлғааралық қарым-қатынаста
ақпараттың шамамен 7% сөз арқылы, 38% дауыс ырғағы арқылы және 55%
бейвербалды белгілер арқылы беріледі, бірақ бұл модель негізінен эмоционалды
қарым-қатынасқа орай қолданылады [146]. Ресми және кәсіби ортада, әсіресе
мемлекеттік секторда, вербалды элементтердің маңыздылығы аса жоғары,
өйткені олар хабарламалардың дәлдігін, анықтығын және құқықтық
маңыздылығын қамтамасыз етеді [147].

82