Page 79 - Dissertation (3)

Алынған нәтижелерді тереңірек көрсету үшін респонденттердің Қазақстан
Республикасы мемлекеттік қызметшілерінің коммуникативтік құзыреттілік
деңгейіне берген бағалары негізгі аспектілер бойынша ажыратылып жіктелді.
Осылайша, респонденттер мемлекеттік қызметшілердің кәсіби
құзыреттілігінің жалпы деңгейін 1-ден 5-ке дейінгі шкала бойынша бағалайды,
мұнда 1 төмен деңгей, 5 жоғары деңгей.
Мемлекеттік қызметшілердің өздерінің, әріптестерінің және басшылардың
кәсіби коммуникативтік құзыреттерін 5 балдық шкала бойынша бағалау
нәтижелерінің барлығы дерлік бірдей графикалық сипатты көрсетеді (1-сурет).
Мұндағы 1 – төменгі деңгей, 5 – жоғары деңгей.
Бірдей мәндерге жақын мұндай бағалаулар коммуникация саласында
айтарлықтай күрделі мәселелердің жоқтығын көрсетуі мүмкін.
Сондай-ақ, мемлекеттік ұйымдардың дені туындайтын кикілжіңдерді
шешуде және коммуникациялардың ашықтығын қамтамасыз етуде белсенді
болуы мүмкін. Мемлекеттік қызметшілер тікелей және жоғары тұрған
басшысының коммуникативтік дағдыларын өздерінің және әріптестерінің
дағдыларынан жоғары бағалайтыны да анықталды. Бұл мемлекеттік органның
атынан ресми ақпаратты әдетте жоғары лауазымды тұлғалардың ұсынуымен
байланысты болуы мүмкін.

5 42.1

4 34.7

3 20.1

2 1.6

1 1.5

Сурет 1 – Мемлекеттік қызметшілердің кәсіби коммуникациялық
құзыреттілігінің жалпы деңгейі (%)

79