Page 78 - Dissertation (3)

береді. Бұндай жауаптар тақырыптан тыс талқылау және идеяларды қайталау
арқылы неғұрлым еркін құрылымды бола алады.
Фокус-топтардың сапасын анықтаудың көрсеткіштерінің бірі жаңа
ақпарат немесе түсініктер жиналғанға дейін фокус-топтарды жүргізуді
жалғастыру мүмкіндігін білдіретін қанықтылық тұжырымдамасын пайдалану.
Фокус-топ коммуникация мамандары мен мемлекеттік қызметшілерден
тұратын үш топ арасында жүргізілді. Топтарға бөлу фокус-топқа
қатысушылардың біліктілік және қазақ/орыс тілдерін білу деңгейімен
анықталды. Осы өлшемдер негізінде мемлекеттік қызметшілердің
коммуникативтік құзыреттерін дамыту/зерттеуде, мемлекеттік сектор
өкілдерімен өзара әрекеттесуде, ұйымдарға арналған коммуникация
стратегияларын әзірлеуде кәсіби тәжірибесі бар сарапшылар арасында бір фокус-
топ жүргізілді.
Екі фокус-топ мемлекеттік қызмет өтілі 5 жылдан кем емес, үкміеттік емес
ұйымдармен және БАҚ-пен өзара іс-қимыл тәжірибесі, сондай-ақ ұйымдардың
коммуникациялық стратегияларын әзірлеуге қатысу тәжірибесі бар мемлекеттік
қызметшілер арасында өткізілді. Әрбір қатысушы 3000 теңгенің сертификатына
ие болды.
Сарапшылармен фокус-топ онлайн режимінде 2023 жылдың 24 ақпанында
өткізілді. Фокус-топтың қатысушылары мемлекеттік қызметшілердің
коммуникативтік құзыреттерін дамыту/зерттеу, мемлекеттік сектор өкілдерімен
өзара әрекеттесу және ұйымдар үшін коммуникация стратегияларын әзірлеуде
кәсіби тәжірибесі бар 8 сарапшыны құрады.
Екінші фокус-топ 2023 жылдың 27 ақпанында офлайн форматта өтті.
Қатысушылар саны 14 болады деп күтілгенімен, түрлі себептерге байланысты 11

адам қатысты.
Үшінші фокус-топ 2023 жылдың 28 ақпанында офлайн форматта өтті.
Қатысушылар саны 14 болады деп күтілгенімен, түрлі себептермен 13 адам
қатысты.
Фокус-топтық зерттеудің мақсаттары мыналарды көздеді:
‒ мемлекеттік қызметшілердің коммуникативтік дағдыларының деңгейін
зерттеу;
‒ мүдделі тараптармен байланыста қандай байланыс арналары
қолданылатынын анықтау;
‒ коммуникациялық арналар арқылы коммуникативтік өзара әрекеттестік
құру процесінде қандай кедергілер бар;
‒ мемлекеттік органдар арасындағы байланысты жақсарту бойынша негізгі
ұсыныстарды жинақтау.
Фокус-топтардың нәтижесінде, респонденттер мемлекеттік
қызметшілердің кәсіби даярлығын айтарлықтай арттыру қажеттігін атап өтті.
Бұл қорытынды коммуникативтік құзыреттілікті арттырудың негізі ретінде
кәсіби дайындық пен біліктілікті арттырудың маңыздылығын көрсететін
зерттеудің жалпы қорытындыларымен жанасады.

78