Page 76 - Dissertation (3)

тілдеріндегі 42-46 сұрақтан тұратын Google Form электрондық сауалнамасы
пайдаланылды. Сауалнама келесі бөлімдерді қамтыды:
‒ респонденттердің әлеуметтік-демографиялық портреті;
‒ жергілікті атқарушы органдар мен орталық мемлекеттік органдар
қызметкерлерінің коммуникативтік құзыреттерінің қазіргі ахуалы;
‒ коммуникативтік құзыреттер туралы мемлекеттік қызметшілердің
түсінігі;
‒ мемлекеттік органдардың қоғаммен өзара іс-қимылы туралы мемлекеттік
қызметшілердің пікірі;
‒ мемлекеттік қызметшілердің коммуникативтік құзыреттерін жақсартуға
қатысты ұысыныс-пікірлер.
Зерттеуге іріктеудің жалпы көлемін мемлекеттік қызметтің әртүрлі
деңгейлері мен бөлімдерін, соның ішінде республикалық деңгейден бастап,
ауылдық округтердің қызметкерлеріне дейін қамтыған 4 790 мемлекеттік
қызметшілерді құрады [141].
Іріктемедегі сенімділікке қол жеткізу үшін респонденттердің көлемі
мемлекеттік органдардың құрылымын ескере отырып қалыптастырылды.
Сауалнама 2022 жылдың 8 қарашасы мен 6 желтоқсаны аралығында жүргізілді.
Тереңдетілген сұхбаттар 2023 жылғы 10-30 мамыр аралығында бизнес,
үкіметтік емес ұйымдар мен БАҚ өкілдері арасында өткізілді.
Мұндағы тереңдетілген сұхбат – құрылымы мен мақсатын интервьюер
анықтайтын бір тарап әңгімені қамтиды. Бұл күнделікті әңгімеде кездесетін
кездейсоқ пікір алмасудан бөлек, барынша зерделенген білімді алу үшін сұрақ
қою мен тыңдауға негізделген кәсіби іс-әрекет. Сұхбат алудың негізі сапалы
зерттеу әдісі болып табылады.

Бұл тұста, сұхбат қатысушыларының зерттеу объектісін қалай
қабылдайтынын және түсінетінін зерттеу сапалы сұхбат көздейтін басты
мақсаты. Зерттеу әдісі ретінде тереңдетілген сұхбат зерттеудің негізгі бастапқы
нүктесін айқындап, кең ауқымды деректерді жинау әдісі ретінде пайдаланылады
[142].
Холштейн мен Губриум атап өткендей, «барлық сұхбаттар шындықты
тудыратын және мағынаны білдіретін мойындалған немесе қабылданбаған
оқиғалар, сондай-ақ сұхбат алушылардың шындықтарымен шынайы және
тікелей байланысын қамтамасыз ететін жағдайды жасау үшін емес, зерттеу
жобалары үшін деректер жинау мақсатында сұхбат берушілер мен алушылар
бірлесіп жұмыс істейтін оқиғалар» [143].
Бришке сұхбатты зерттеу сұрағын әзірлеу, сапалы деректерді жинау,
түсіндіру, талдау және ұсыну процесі деп сипаттаса, Квале С. тереңдетілген
сұхбатты әлеуметтік ғылымдардағы зерттеу әдістерінің бірегейі ретінде
анықтайды [144].
Сонымен, ағымдағы эмпирикалық зерттеу шеңберіндегі тереңдетілген
сұхбатқа барлығы 19 адам қатысты: 7-і бизнес, 3-і БАҚ, 9-ы үкіметтік емес ұйым
өкілдері.

76