Page 75 - Dissertation (3)

болуы тиіс. Электрондық үкімет, чат-боттар және мобильді қосымшалар сияқты
цифрлық арналардың кеңеюі коммуникациялық міндеттердің сипатын
күрделендіруде. Бұл өзгерістерге байланысты жүйелі оқыту мен кәсіби даярлық
әлі де жетіспейді [115].
Цифрлық ортадағы коммуникация формаларына көшу коммуникативтік
құзыреттерді жаңаша пайымдауды талап етеді. Егер бұрын бұл құзырет негізінен
офлайн режимдегі ауызша және жазбаша дағдылармен шектелсе, қазір ол
цифрлық форматтарды меңгеруді де қамтиды. Дегенмен, тәжірибеде бұл
өзгерістер лауазымдық нұсқаулықтар мен кәсіби стандарттарға жеткілікті түрде
енгізілмеген. Б.Боқаев пен әріптестерінің (2024) талдамалық шолуында осы
олқылықтың кәсіби бағдарсыздықтың өсуіне және азаматтар тарапынан
шағымдардың артуына себеп болатыны айтылған [10, р. 34-42].
Осылайша, Қазақстанда мемлекеттік қызметшілердің коммуникативтік
құзыреттерін дамыту нормативтік тұрғыдан жүйесіз, институционалдық
деңгейде бөлшектелген және әдістемелік жағынан бірізді емес жағдайда дамып
отыр. Бір жағынан, стратегиялық құжаттарда азаматтардың сенімін арттырудың
маңызды шарты ретінде коммуникацияға ерекше мән берілсе, екінші жағынан,
бұл бағытты іске асыруда нақты құқықтық актілердің, бағалау әдістемелерінің
және оқыту құралдарының жетілмегендігі байқалады. Мұнымен қоса,
мемлекеттік қызмет жүйесінде коммуникативтік құзыреттілік әлі де кәсіби
профильдің негізгі емес, қосымша элементі ретінде қарастырылады. Бұл жағдай
мемлекет пен азамат арасындағы өзара іс-қимыл моделінің түбегейлі өзгеруін
тежейді.

2.2 Мемлекеттік қызметшілердің коммуникативтік
құзыреттеріліктерінің деңгейін бағалау: эмпирикалық зерттеу
Мемлекеттік қызметшілердің коммуникативтік құзыреттілік деңгейін
зерделеу олардың қоғаммен ұтымды коммуникация жасау қабілетіне тікелей
әсер ететіндіктен өте маңызды. Бұл олардың тиісті ақпаратты оңтайолы жеткізу
қабілетін ғана емес, сонымен қатар оппонентін тыңдау, тұшымды жауап беру,
сенімді қарым-қатынас орнату және кикілжіңдерді шешу мүмкіндігін қамтиды.
Қазіргі кезеңдегі күрделі әлеуметтік, экономикалық және саяси жағдай
контекстінде мемлекеттік қызметшілердің қоғамның әртүрлі топтарымен
коммуникация жасауы және келген өтініштерге жедел әрі нақты жауап беруі өте
маңызды. Бұндай қабілет көпұлтты және көптеген әлеуметтік-экономикалық
топтармен жоғары деңгейлі қарым-қатынасқа деген ыждаһаттылықты талап
етеді.
Осы эмпирикалық зерттеу аясында казақстандық мемлекеттік
қызметшілердің кәсіби коммуникациялық құзыреттеріне талдау жүргізу
мақсатында кең ауқымды ашық сауалнамалар, фокус-топтар сериясы және
тереңдетілген сараптамалық сұхбаттар жүргізілді.
Сауалнама жүргізу үшін жергілікті және орталық мемлекеттік
органдардың мемлекеттік қызметшілеріне арналған мемлекеттік және орыс

75