Page 73 - Dissertation (3)

лері, сарапшылар пікірі бағалау элементтері әлі
(Канада, Германия) жеткіліксіз
Ескерту – Әдебиет негізінде құралған [120; 125; 127; 129, р. 3-45; 130; 131; 132; 135;
140]

Халықаралық тәжірибе мемлекеттік қызметшілерді оқыту жүйесінде
коммуникациялық құзыреттіліктерді тиімді дамыту көп деңгейлі, модульдік
және тәжірибеге бағытталған тәсілді қажет ететінін көрсетеді. Мұндай
модельдер мемлекеттік қызметшілерге мәдени әртүрлілік, әлеуметтік
сезімталдық, дағдарыстық жағдайлар және цифрлық трансформация жағдайында
табысты жұмыс істеуге мүмкіндік береді.
Қазақстандық кадрларды даярлау және біліктілікті арттыру
бағдарламаларында бұл бағыттар әлі толық әзірленбеген, әсіресе мемлекеттік
басқару жүйесі дамыған елдерде негізгі болып табылатын практикалық, рөлдік
және мәдениетаралық компоненттер жеткіліксіз ұсынылған.
Бұл тұста Қазақстан Республикасының «Мемлекеттік қызмет туралы»
заңына сәйкес жас мамандарды тарту үшін тек мансаптық өсу мен тәлімгерлік
бағдарламалар қалыптастырып қана қоймай, сондай-ақ топта жұмыс істеу
қабілетін, жоғары деңгейлі коммуникативтік құзыреттерін және заңнамадағы
өзгерістерге тез бейімделу дағдыларын дамытуды көздеген дұрыс.
Жүргізілген талдау негізінде Қазақстандағы мемлекеттік қызмет
саласында белгіленген коммуникативтік құзыреттер шеңберінде бірнеше
олқылықтарды анықтауға болады:
Мәдениетаралық және ұлтаралық коммуникацияның жеткіліксіз
интеграциясы: көпұлтты елдер контекстіндегідей Қазақстандағы мемлекеттік
қызметшілер мәдениетаралық және ұлтаралық коммуникация элементтерін
меңгеруі тиіс. Бұл қоғамның әртүрлі топтарымен жұмыс істеу барысында
түсінбеушілік тәуекелдерін азайтуға және азаматтардың мемлекеттік органдарға
сенім деңгейін арттыруға оң ықпалын тигізеді.
Келіссөздер жүргізу және шиеленістерді шешу құзыреттерін жеткілікті
түрде ескермеу: халықаралық тәжірибеде мемлекеттік қызметшілерді

келіссөздер жүргізу өнеріне, шиеленістерді басқаруға және ведомствоаралық
командаларда жұмыс істеуге үйретуге көп ден қойылады. Бұл құзыреттерді
Қазақстандағы мемлекеттік қызметшілердің құзыретіне қосу мемлекеттік
басқарудың тиімділігін арттыруға септігін тигізуі мүмкі.
Өзара әрекеттесу аясын шектеу: мемлекеттік органдардың ішіндегі ішкі
өзара іс-қимылдарға ғана назар аудару сыртқы ұйымдармен, оның ішінде жеке
сектормен, ҮЕҰ және халықаралық құрылымдармен ынтымақтастықтың
маңыздылығын ескермейді. Осы саладағы құзыреттерді дамыту мемлекеттік
қызметшілерге экономикалық және әлеуметтік дағдарыстар сияқты жаһандық
сын-қатерлерді тиімді жеңуге мүмкіндік береді.
Осылайша, мемлекеттік қызметшілердің коммуникативтік құзыреттерін
дамытуға қатысты құқықтық актілерді талдау тиімді мемлекеттік басқарудың
маңызды элементі ретінде коммуникацияның артып келе жатқан рөлін көрсетеді.
Қолданыстағы құқықтық база қоғамдық коммуникацияға, стратегиялық

73