Page 7 - Dissertation (3)

аталған автордың 2007 жылы жарық көрген «Дағдарыс туралы коммуникация:
кейс кітапшасының тәсілі» атты ғылыми еңбегінде халқының құрамдық бөлігі
көптеген және саяси тұрақтылығы төмен елдердегі мемлекеттік қызмет
саласында алдын алынуы тиіс табиғи апаттар немесе әлеуметтік толқулар
сияқты дағдарыстық жағдайларда қолдануға арналған негізгі тұжырымдар мен
тәжірибелер терең талқыланады [8].
Бұдан басқа шетелдік зерттеушілер арасында Спицберг және Купач (1984)
[9]. ұсынған дағдарыс пен төтенше жағдайларда халықпен коммуникацияты
жақсартуға басымдық бере отырып, Мемлекеттік қызметшілердің
коммуникациялық дағдыларын жақсартуда қолдануға болатын айрықша
әдістері де бар. Бұл ғалымдардың еңбектерінде дағдарыстық коммуникациялар
мемлекеттік қызметшілерден ақпаратты жылдам және анық жеткізуді, сондай-ақ
әлеуметтік тұрақсыздық кезеңдерінде қоғамдық пікірді басқаруды талап
ететініне ерекше назар аудадарды.
Өз кезегінде Мемлекеттік қызметшілердің коммуникативтік
құзыреттіліктерін дамыту мәселесіне қазақстандық ғалымдар қызығушылық
танытып, өзінің сүбелі үлесін қосып жатқанын осы салада жарияланған көптеген
ғылыми еңбектерден көруге болады. Отандық ғалымдар, оның ішінде Қазақстан
Республикасының Президенті жанындағы Мемлекеттік басқару академиясының
Б.Н. Боқаев, А.А. Тынышбаева, М.Б. Қадырова сынды ғалымдары мемлекеттік
басқару стратегиясын табысты жүзеге асыруға қажет жоғары деңгейдегі
коммуникативтік дағдылардың мемлекеттік қызметшілер бойында жоқтың қасы
екендігін назар аударады, сондай-ақ мемлекеттік бағдарламаларды жүзеге асыру
жолында ұтқыр коммуникацияның маңыздылығын айқындай түседі [10].
Сонымен қатар, өзге де отандық ғалымдар, мысалы Серғалиева Р.Т.,

Бұғыбаева Р.О., Тәлімова Л.А. мемлекеттiк қызметкерлердің кәсіби бiлiктiлiгiн
арттыруда құзыреттiлiк көзқарастың көптеген аспектілерін терең зерттейді [11].
Аталған ғалымдардың еңбегінде елімізде қалыптасқан кәсіби құзыреттілік
жүйесі мемлекеттік қызметшілердің кәсіби мансабын олан әрі өсіруге
ынталандырады, сондай-ақ мемлекеттік қызмет кадрларын басқаруды
ақпараттық қамтамасыз етуді қалыптастырудың негізі болып табылатыны
айғақталады.
Жұмабаев С.А., Әбіл Е.Қ., Апергенова Р.С. сынды тағы бір автордың
еңбектері мемлекеттік қызметшілерді кәсіби және коммуникативтік
құзыреттіліктерін өз бетінше дамытуға үйрете алатын оқыту үдерісіне жаңа
әдістер мен тәсілдерді енгізу қажеттігін кеңінен талқылап, көпшілік назарына
көрсетеді [12]. Осы саладағы ұқсас зерттеулер арасында Қ.Қ. Садықованың,
Г. Тлемисованың, З.А. Мақсұтованың ғылыми еңбектерін ерекше атап өтуге
болады. Бұл ғалымдар өз еңбегінде мемлекет пен қоғамның өзара іс-қимыл
процесінің ұйымдастырушылық және тұжырымдамалық мәселелеріне назар
аударады, сондай-ақ мемлекеттік органдар мен мемлекеттік қызметерлердің
коммуникациялық функцияларын күшейту үшін стратегиялық коммуникацияға
көшу қажеттігіне баса назар аударады [13].

7