Page 69 - Dissertation (3)

Мәдениетаралық коммуникация және халықаралық келіссөздер:
халықаралық саясаттың әртүрлі субъектілерімен тиімді келіссөздер жүргізу,
дипломатиялық миссияларды ұйымдастыру, халықаралық форумдарға қатысу.
Дағдарысты басқару және медиация: жанжалды жағдайларды шешу
дағдылары, дағдарыс жағдайында жұмыс істей білу және қоғаммен және БАҚ-
пен байланыс орнату.
Орта басқарушы және әкімшілік аппарат («Б» корпусы)
Орта деңгейдегі қызметкерлер саяси шешімдерді іске асыруға және
жергілікті жерлерде мемлекеттік органдардың қызметін үйлестіруге байланысты
неғұрлым жоғары мамандандырылған функцияларды орындайды. Олар үшін
ведомствоаралық үйлестірумен, жобаларды басқарумен және жұмысты ішкі
ұйымдастырумен байланысты коммуникативтік құзыреттер маңызды дағдылар
болып табылады.
Ведомствоаралық байланыс: әр түрлі мемлекеттік және жеке
мекемелермен тиімді қарым-қатынас жасау қабілеті, ол тек ресми
коммуникацияны ғана емес, сонымен бірге нақты мақсаттарға қол жеткізу үшін
келіссөздер процестерін де қамтиды.
Шешендік шеберлік және іскерлік хат алмасу: есептілікті дайындау және
ұсыну, сөйлейтін сөзді дайындау, сайлаушылармен және БАҚ-пен байланыс.
Жергілікті атқарушы органдардың мемлекеттік қызметшілері.
Жергілікті деңгейде жұмыс істейтін қызметшілер азаматтармен өзара іс-
қимыл жасайды және тікелей жергілікті халыққа қатысты міндеттердің
орындалуын қамтамасыз етеді. Мұндағы негізгі коммуникативтік құзыреттер:
белсенді тыңдау, азаматтармен сенімді қарым-қатынас орнату, қоғамдық
ұйымдармен жұмыс істеу және әлеуметтік жанжалдарды шешу.

Халықпен кері байланыс: қажеттіліктер мен проблемалар туралы ақпарат
алу үшін, сондай-ақ жергілікті билік органдарының әрекеттері туралы
азаматтарды хабардар ету үшін жұртшылықпен тиімді қарым-қатынасты
қамтамасыз ету.
Топтық коммуникация және жанжалдарды шешу: қоғамдық тыңдаулар
өткізу дағдылары, шешім қабылдау процесіне азаматтарды белсенді тарту,
қоғамдық кездесулер мен кеңес берулер ұйымдастыру.
ҚР Мемлекеттік қызмет жүйесінде мемлекеттік қызметшілерді қайта
даярлау олардың кәсіби дамуында және заңнамалық және әкімшілік саладағы
өзгерістерге бейімделуінде, сондай-ақ өзгермелі ақпараттық және әлеуметтік
контекст жағдайында маңызды рөл атқарады.
Жоғары мемлекеттік аппаратты қайта даярлау. Қызметкерлердің осы
санатын қайта даярлау олардың стратегиялық коммуникация саласындағы
білімін тереңдетуге, сондай-ақ келіссөздер жүргізу және мемлекет аралық және
институт аралық қақтығыстарды шешу дағдыларын дамытуға бағытталған.
Қайта даярлау курстары қызметкерлердің саяси жағдай, қоғамдық пікір,
халықаралық қатынастар және халықтың түрлі топтарымен өзара әрекеттесу
ерекшеліктері сияқты көптеген факторларды ескеруді қажет ететін көп
контекстілі жағдайларда жұмыс істеу қабілетін дамытуы маңызды.

69