Page 68 - Dissertation (3)

(A және B санаттары) мемлекеттік және халықаралық серіктестермен өзара
әрекет етуге, сондай-ақ маңызды шешімдер қабылдауға бағытталған дамыған
стратегиялық және көшбасшылық коммуникативтік дағдыларды талап етеді. Ал
төменгі санаттағы (C, D, E) лауазымдар үшін оперативті коммуникация мен
азаматтармен және мемлекеттік қызмет органы ішінде әріптестерімен тиімді
өзара әрекет етуге мән беріледі. Осылайша, мемлекеттік функцияларды табысты
орындау әрбір нақты лауазым талабына сай келетін коммуникативтік
құзыреттіліктердің даму деңгейіне тікелей тәуелді.
Әрине, Қазақстан Республикасында да, кез келген елдегідей, мемлекеттік
қызметтің тиімділігі мемлекеттік қызметшілердің кәсібилігінің, әдебінің және,
ең маңыздысы, коммуникативтік құзыреттіліктерінің жоғары деңгейіне тәуелді.
Түрлі әлеуметтік топтармен өзара әрекет ету, халықаралық ынтымақтастық және
көпшілік алдында сөйлеуге баса назар аударылатын қазіргі басқару жағдайында
коммуникативтік дағдылар мемлекеттік қызметтің табысты жұмысының
шешуші факторына айналып отыр. Бұл тұрғыда мемлекеттік қызметшілерді
даярлау, қайта даярлау және біліктілігін арттыру жүйесі осы
құзыреттіліктердің жан жақты дамуын қамтамасыз ету керек (2018 жылғы
15 наурыздағы №125 ҚРҮҚ бекітілген Мемлекеттік қызметшілерді даярлау,
қайта даярлау және біліктілігін арттыру ережесі, мемлекеттік қызметшілердің
біліктілігін арттыруды жүзеге асыратын білім беру ұйымдарына қойылатын
талаптар) [122].
Сонымен қатар мемлекеттік қызмет – бұл көп қабатты және иерархиялық
ұйымдастырылған құрылым, мұнда қызметкерлердің әрбір санаты өзіндік
функцияларды орындағандықтан, олардың коммуникативтік құзыреттіліктеріне
талаптардың әр түрлі болуы шарт. Барлық деңгейдегі қызметкерлерді дайындау

қызметкерлер күнделікті шешіп отырған өзіндік міндеттерге, сондай-ақ олардың
кәсіби қызметіне негізгі дағдыларды кіріктіру қажеттілігіне бағдарлануы тиіс.
Жоғары мемлекеттік аппарат («А» корпусы)
Мемлекеттік қызметшілердің жоғары басшылық құрамына, әдетте,
мемлекеттің ішкі және сыртқы саясатына ықпал ететін стратегиялық
шешімдердің қабылдаудың жоғары деңгейі тән. Қызметкерлердің бұл
санатының коммуникативтік құзыреттіліктері стратегиялық коммуникация,
халықаралық дипломатиялық өзара іс-қимыл, көпшілік алдында сөйлеу
дағдылары және іскерлік этикет сынды дағдыларды меңгеру қажеттілігін
айқындайды. Сондай-ақ дағдарысты басқару тәсілін меңгеру маңыздылығын
атап өткен жөн, себебі жаһандық әлем жағдайында жоғары бейінді мемлекеттік
қызметшілер жедел және сауатты әрекетті талап ететін халықаралық сын-
қатерлерге жиі тап болады.
Осылайша, осы санаттағы қызметкерлерді даярлау келесі коммуникативтік
құзыреттерді дамытуды қамтуы керек:
Стратегиялық ойлау және қоғамдық коммуникация: әлеуметтік маңызы
бар хабарламаларды талдау және тұжырымдау, қоғамдық пікірге ықпал ету және
белгісіздік жағдайында шешім қабылдау қабілеті.

68