Page 6 - Dissertation (3)

Сандық технологиялар саласындағы елеулі өзгерістерге байланысты
мемлекеттік қызмет көрсетудің электронды форматқа көшу барысында да
коммуникациялық құзыреттерінің маңыздылығы өз өзектілігін жоғалтпақ емес.
Бұл тұста, мемлекеттік қызметтерді ұсыну үдерісінің сандық технологиялармен
ұштастырылуы мемлекеттік органдар қызметкерлерінен сандық құралдармен
жұмыс істеп қана қоймай, тиісті сандық коммуникация жүргізу дағдыларының:
әлеуметтік желілермен, чат-боттармен жұмыс істеу және онлайн-кеңес беруге
байланысты дағдылардың жетілдіруін талап етеді.
Сонымен қатар, тосын кризистік кезеңдер мен дағдарыс кезінде
коммуникативтік дағдыларды дамытудың маңыздылығы арта түсетіні анық.
Бұған мысал ретінде COVID-19 пандемиясы сияқты коғамдық және саяси
тұрақсыздыққа әкелетін, сондай-ақ қолайсыз табиғи апаттар кезеңінде
қажеттілігі күшейітін жылдам және сапалы коммуникацияны орнату қажеттілігі
туындайтын жәйттермен расталады. Бұған қоса, Мемлекеттік қызметшілердің
коммуникативтік дағдылары оңтайлы қоғамдық пікірді қалыптастыруда,
әлеуметтік наразылықтың алдын алуда және жанжалдарды шешуде ерекше
маңызға ие.
Осылайша, мәселенің өзектілігі мемлекеттік органдар мен азаматтардың
тиімді өзара іс-қимылын қамтамасыз ету қажеттілігінде жатыр, бұл мемлекеттік
қызметшілердің коммуникациялық құзыреттерін, оның ішінде қазіргі заманғы
сын-қатерлер мен талаптар жағдайында жетілдіруді талап етеді. «Халық үніне
құлақ асатын мемлекет» қағидаттарына, Мемлекеттік басқаруды дамытудың
2030 жылға дейінгі тұжырымдамасына және Қазақстан Республикасының
мемлекеттік қызметін дамытудың 2025–2029 жылдарға арналған
тұжырымдамасына негізделген тиімді тәсілдер мен стратегияларды енгізу,

цифрлық және дағдарыстық коммуникацияларды дамыту, сондай-ақ
азаматтармен жұмыс істеудің жаңа әдістерін енгізу мемлекеттік қызметшілерді
оқыту сапасына тікелей байланысты [4; 5; 6].
Бұған қол жеткізу үшін осы құзыреттерді дамытуға және жетілдіруге
бағытталған тұжырымдамалық үлгілер мен бағдарламаларды әзірлеу қажет, бұл
өз кезегінде мемлекеттік органдарға деген сенімді арттыруға, мемлекеттік
қызмет көрсету сапасын арттыруға және мемлекет пен қоғам арасындағы
коммуникацияты нығайтуға негіз болады.
Мәселенің зерттелу дәрежесі. Мемлекеттік қызметшілердің
коммуникативтік құзыреттерін қалыптастыру мен жетілдіру мәселелері отандық
және шетелдік ғалымдардың тұрақты зерттеу нысанына айналған. Осы саладағы
әдебиетте мемлекеттік басқарудың тиімділігін арттыру және мемлекеттік
органдар мен қоғам өкілдерінің жоғары деңгейлі коммуникацияын қамтамасыз
ету жолындағы коммуникативтік дағдыларды дамытудың маңыздылығын атап
көрсететін сануалан ғылыми тәсілдер мен теориялар тіркелген. Атап айтататын
болсақ шетелдік зерттеушілер арасында көпұлтты және көпмәдениетті елдердегі
ұлтаралық коммуникацияның рөліне, сондай-ақ Мемлекеттік қызметшілер үшін
дағдарыстық коммуникацияның маңыздылығына назар аударатын еңбектер
арасында К. Ферн-Бэнкстің ғылыми жұмыстары ерекше сұранысқа ие. Мысалы,

6