Page 55 - Dissertation (3)

ақ тиімді коммуникация сияқты дағдылар кіреді. Коммуникативтік құзыреттілік
осы жүйеде жеке құзырет ретінде белгіленіп, әр деңгейдегі лауазымдарға
қойылатын талаптармен нақты байланыстырылған. Дегенмен, бұл бағытта
халықаралық тәжірибелермен салыстырғанда кейбір кемшіліктер де бар. Атап
айтқанда, қазіргі БҚШ моделі азаматтық қоғаммен, медиа және дағдарыс
коммуникацияларымен жұмыс істеу дағдыларына жеткілікті көңіл бөлмейді.
OECD және SIGMA стандарттары бойынша мұндай аспектілер мемлекеттік
қызметтің ажырамас бөлігі ретінде қарастырылады [4].
Сонымен, Қазақстан Республикасындағы коммуникативтік құзыреттер екі
негізгі бағыт бойынша ұсынылған: «Қызметтерді алушыға бағдарлау және оны
ақпараттандыру» және «Тиімді коммуникацияларды құру». Оларды жеке-жеке
ашып қарастырайық және де халықаралық тәжірибемен салыстырмалы талдау
жасайық.
Базалық құзыреттерге адалдық, тұтынушыларға назар аудару және
күйзеліске төзімділік сияқты барлық мемлекеттік қызметшілерге міндетті
дағдылар жатады, сондай-ақ «Жүйені басқару» немесе «Өзгерістерді басқару»
сияқты құзыреттер мемлекеттік қызметшілердің жекелеген санаттарына
қойылатын нақты талаптарды ескереді:
1. Негізгі және саралаушы құзыреттер
Бірыңғай құзыреттілік шеңбері құзыреттердің екі блогын қарастырады:
негізгі және дифференциалды.
Негізгі құзыреттер тұрғысынан мемлекеттік қызметті алушыға
бағдарлау қоғаммен коммуникаци сапасын арттыруға бағытталған маңызды
элемент болып табылады. Бұған қоғамның мемлекеттік қызмет көрсетілу
сапасына қанағаттануына тұрақты мониторинг жүргізу және қолжетімді

ақпараттық әдістерді пайдалану кіреді. Жауапкершілік пен бастамашылдық да
негізгі элементтер ретінде қарастырылып, мемлекеттік қызметшілерді
мемлекеттік қызметті жетілдіру үдерістеріне белсенді тартудың маңыздылығын
атап көрсетеді.
Құзыреттерді саралау шеңберінде әріптестермен және өзге де
мемлекеттік органдармен ынтымақтастық және өзара іс-қимылдың тиімді
әдістерін кәсіби қызметке қосу үшін ең маңызды құзыреттер болып табылады,
бұл мемлекеттік құрылымдар жұмысының жалпы механизмін нығайтуға
көмектеседі (3-кесте).

Кесте 3 ‒ Мемлекеттік қызметшілер құзыретінің бірыңғай шеңберінің құрамдас
бөліктері

Негізгі құзыреттер Құзыреттердің сипаттамасы
Адалдық Этикалық нормалар мен стандарттарды сақтау
Қызметтерді тұтынушыға Қызметтерді тұтынушыға назар аудару
бағдарлау
Жауапкершілік Өзінің қызметтік міндеттерін орындауға жауапкершілігі
Бастамашылдық Инновациялық тәсілдерді дамыту мүмкіндігі
Стресске төзімділік Эмоционалды қысым мен шектеулі уақыт жағдайында
тыныштықты сақтау мүмкіндігі.

55