Page 54 - Dissertation (3)

2. A-2, A-3, B-3, C-3, C-O-3, C-O-4, C-R-2, C-R-3, D-3, D-O2, D-O3-R, D-
O3- R-3, E-G-1, E-G-2 санаттары үшін - стресске қарсы тұру, бастамашылық,
жауапкершілік, қызметтерді тұтынушыға бағдарлау және оларды
ақпараттандыру, адалдық, ынтымақтастық және өзара әрекеттесу, қызметті
басқару, шешім қабылдау.
3. A-4, A-5, B-4, B-5, B-6, C-4, C-5, C-O-5, C-O-6, C-O4, D-O, D-O, D-R -5,
D-O-6, D-R-4, D-R-5, E-4, E-5, E-R-4, E-R-5, E-G-3, E-G-4 санаттары үшін -
стресске қарсы тұру, бастамашылық, жауапкершілік, қызметтерді тұтынушыға
бағдарлану және оны ақпараттандыру, адалдық, өзін-өзі дамыту, тиімділік,
ынтымақтастық және өзара әрекеттесу.
Сонымен қатар, коммуникация саласындағы тәуекелдер «Мемлекеттік
қызмет туралы» Заңның 50-бабында да ауқымды түрде қарастырылған [2]. Атап
айтсақ, коммуникация саласындағы тәуекелдерге жалған ақпарат беру, басқа
органдардың қызметіне араласу, лауазымдық өкілеттіктерді теріс пайдалану
сияқты мәселелер, сондай-ақ құпия ақпаратты рұқсатсыз тарату мен сақтау да
кіреді.
Осылайша, коммуникативтік құзыреттер мемлекеттік қызметшілердің
кәсіби сапасының маңызды құрамдас бөлігі ретінде біліктілік талаптарын
орындау мен қызметтік тәртіпті қамтамасыз етуде шешуші рөл атқарады.
Қызметтік тәртіп пен жауапкершілікке қатысты заңнамалық талаптар
мемлекеттік қызметшілерден тек тиісті нормалар мен стандарттарды білуді ғана
емес, сонымен қатар әріптестерімен, азаматтармен және стейкхолдерлермен
тиімді және этикалық тұрғыдан сауатты коммуникация жүргізе алуды талап
етеді. Бұл дағды «Халық үніне құлақ асатын мемлекет» тұжырымдамасын іс
жүзінде жүзеге асыруда маңызды фактор болып табылады [1].

Коммуникативтік құзыреттерді жүйелі түрде дамыту мемлекеттік
қызметте ашықтықты, кәсібилікті және этикалық нормаларды нығайтуға ықпал
етіп, азаматтардың мемлекеттік институттарға деген сенімін арттырады. Осы
тұрғыдан алғанда, тиімді коммуникация тұтынушыға бағытталған мемлекеттік
қызмет көрсетудің негізгі алғышарттарының бірі ретінде қарастырылады. Бұл
тек мемлекеттік аппараттың кәсібиленуіне емес, сонымен қатар ұсынылатын
қызметтердің сапасы мен халыққа қолжетімділігін арттыруға тікелей әсер
етеді [2].
Осы бағытта Қазақстанның мемлекеттік қызмет жүйесінде нақты
құрылымдық қадамдар жасалып жатыр. Атап айтқанда, мемлекеттік
қызметшілердің кәсіби құзыреттеріне қойылатын стандарттарды жүйелендіруге
бағытталған Бірыңғай құзыреттілік шеңбері (БҚШ) енгізілді. БҚШ ‒ Қазақстан
Республикасы Мемлекеттік қызмет істері агенттігінің бастамасымен әзірленіп,
2016 жылдан бастап қолданысқа енгізілген нормативтік негіздердің бірі. Ол
мемлекеттік қызметшілер үшін қажетті 14 құзыретті қамтиды және олар негізгі
(барлық деңгейге ортақ) және саралаушы (лауазым деңгейіне қарай сараланатын)
деп екіге бөлінеді [3].
Аталған құзыреттерге: кәсіби этика, нәтижеге бағдарлану, талдау және
шешім қабылдау қабілеті, стратегиялық ойлау, өзгерістерге бейімділік, сондай-

54