Page 53 - Dissertation (3)

қадағалайды. Қызмет этикасы мен қарым-қатынас стандарттарын сақтау барлық
мемлекеттік қызметшілерге ортақ міндет болып табылады.
Сонымен қатар, мемлекеттік қызметтегі тиімді коммуникацияны ұстануға
қатысты талаптар мен шектеулер «Мемлекеттік қызмет туралы» Қазақстан
Республикасының 2015 жылғы 23 қарашадағы №416-V ҚР Заңында арнайы
белгіленген [2]. Осы заңның 7-бабына сәйкес мемлекеттік қызметшілер
әкімшілік және саяси лауазымдарға бөлінген және бұл тиісті коммуникативтік
құзыреттерді лауазымдар арасында саралауға мүкіндік береді.
Атап айтқанда, әкімшілік қызметкерлер әдетте мемлекеттік аппаратты
ішкі басқаруға және әртүрлі бөлімдердің жұмысын үйлестіруге байланысты
функцияларды орындайды. Бұл лауазымдар қызметкерлерден жоғары деңгейдегі
ұйымдастырушылық дағдыларды және ұйым ішінде тиімді қарым-қатынас жасау
қабілетін талап етеді. Әкімшілік лауазымдардағы міндеттерді табысты орындау
көп жағдайда басқарудың әртүрлі деңгейлері арасындағы ақпарат алмасуды
тиімді ұйымдастыру, коммуникацияны қолдау және түрлі құрылымдардың
қызметтерін үйлестіру қабілетіне байланысты.
Екінші жағынан, саяси лауазымдар сыртқы мемлекеттік және жеке
құрылымдармен, дипломатиялық өкілдермен ынтымақтастықты, сондай-ақ
халықаралық аренада мемлекеттің мүддесін қорғауды қамтиды. Бұл функциялар
саяси лауазымдағы тұлғалардан жоғары деңгейдегі коммуникативтік
құзыреттерді ғана емес, сондай-ақ келіссөздер жүргізу, сенімге негізделген
қарым-қатынас құру, қоғамдық және халықаралық кездесулерде күрделі
мәселелерді шешу дағдыларын талап етеді.
Осылайша, саяси қызметкерлер үшін коммуникативтік құзыреттер тек
өзара әрекеттесу құралы ғана емес, сондай-ақ басқарудың барлық деңгейіндегі

стратегиялық міндеттерді табысты жүзеге асырудың негізі болып есептеледі.
Яғни, тиімді коммуникация ұстамды мемлекеттік саясатты жүзеге асыруға,
мемлекеттік органның жоғары беделін сақтауға және елдің халықаралық
ұстанымын нығайтуға өзінің зор үлесін қосады.
Бұл мәселені одан да тереңірек қарастыру үшін «Б» корпусының
мемлекеттік әкімшілік лауазымдарына арналған біліктілік талаптарының
шеңберін (Қазақстан Республикасы Мемлекеттік қызмет істері агенттігі
Төрағасының 2023 жылғы 5 сәуірдегі №71 бұйрығы) жеке дара қарастырған жөн.
Аталмыш Біліктілік талаптары шеңберінде (БТШ) мемлекеттік қызметшілердің
коммуникациялық құзыреттеріне қойылатын талаптар лауазымдар санаттарына
сәйкес нақты ажыратылады [120].
Дәлірек айтқанда, БТШ-да мемлекеттік қызметшілердің коммуникативтік
құзыреттеріне қойылатын біліктілік талаптары келесідей болып айқындалған:
1. A-1, B-1, B-2, C-1, C-2, C-O-1, C-O-2, C-R-1, D-O, D-1, D-1, D-1, D-O, D-
1, D-O -1, E-2, E-R-1 санаттары үшін - стресске қарсы тұру, бастамашылық,
жауапкершілік, қызметтерді тұтынушыға бағдарлау және оларды
ақпараттандыру, адалдық, ынтымақтастық және өзара әрекеттесу, қызметті
басқару, шешім қабылдау, көшбасшылық, стратегиялық ойлау.

53