Page 52 - Dissertation (3)

мемлекеттік қызметшілердің өз сөздері мен істеріне жауапкершілікпен
қарауынан, айла-шарғы мен бұрмалаудан аулақ болудан, әңгімелесушіге құрмет
көрсетуден көрінеді.
2. Адалдық (5-тармақ, 2-тарау) қызметкерлерден өзара коммуникацияда
шынайы болуды талап етеді. Бұл мемлекеттік қызметшілердің фактілерді ашық
және анық айтып, алдау мен екіұштылыққа жол бермеуге міндетті екенін
білдіреді. Адалдық мемлекеттік қызметшілер мен қоғам арасында сенімді
коммуникация орнатудың маңызды элементіне айналған.
3. Әділдік (5-тармақ, 2-тарау) коммуникация контекстінде субъективті
бағалаудан және жеке мүдделерден бос шешімдер қабылдау, сондай-ақ
мемлекеттік қызметтерді көрсету процесінде барлық азаматтардың теңдігін
қамтамасыз етуді көздейді. Мемлекеттік қызметшілер коммуникацияны
ешкімнің құқықтары мен мүдделерін бұзбай құруды білдіреді.
4. Қарым-қатынастағы ашықтық (5-тармақ, 2-тарау) мемлекеттік
қызметшілердің қоғаммен ашық жұмыс істеуге және ақпаратты қолжетімді етуге
дайындығын қарастырады. Бұл мемлекеттік қызметткерлердің коммуникацияны
транспаренттілік пен ашықтық принциптеріне негіздей отырып құруға
даярлығын білдіреді.
5. Сыпайылық (5-тармақ, 2-тарау) қарым-қатынастың маңызды элементі
ретінде мемлекеттік қызметшілердің азаматтармен және әріптестермен
коммуникацияда әдеп нормаларын сақтауын білдіреді. Әдептілік тек сыйластық
танытуды ғана емес, сондай-ақ оппонентті тыңдай білуді, оған қажетті ақпаратты
беріп, мәселені барынша сыпайы шешуді қамтиды.
6. Тұтынушыға бағдарлану (5-тармақ, 2-тарау) мемлекеттік
қызметшілердің азаматтардың қажеттіліктерін дұрыс қабылдай білуі,

шағымдармен және ұсыныстармен жұмыс істеуге дайын болуы, сондай-ақ
азаматтардың мүдделеріне басымдық беруді білдіреді. Бұл жерде тиімді
коммуникация қоғамның қажеттіліктерін қанағаттандыру және мемлекеттік
органдарға деген сенімге нұқсан келтіретін бюрократия жағдайларын азайту
құралы.
Коммуникацияның мемлекеттік органдар жұмысының қоғамда оң
қабылдануын және тиісті қоғамдық сенім деңгейін арттыру жолындағы маңызы
үлкен. Әдеп кодексі мемлекеттік қызметшілерге қоғаммен коммуникация
жасауына қажетті білім мен дағдыларға бағдар беріп, олардың іс-қимыл
үдерістеріне ашықтық пен адалдық қағидаттарын қалыптастырады.
Әдеп кодексі мемлекеттік қызметшілердің ішкі және сыртқы қарым-
қатынас стандарттарына бірдей мән береді. Қызметкерлер ұжымда құрмет пен
сенім атмосферасын құруы және кәсіби қарым-қатынас орнатуы тиіс (8-
параграф, 3-тарау). Ұжымдағы коммуникацияның негізгі элементтерінің бірі –
кикілжіңдерді бейбіт жолмен шешу, әдепсіздік, дөрекілік және әріптестердің
қадір-қасиетін қорлауды болдырмау (6-параграф, 3 тарау).
Осылайша, Қазақстан Республикасы мемлекеттік қызметшілерінің Әдеп
кодексі ішкі және сыртқы коммуникацияның адалдық, әділдік, ашықтық,
сыпайылық және тұтынушыларға бағдарлану қағидаттарына сүйенетінін

52