Page 51 - Dissertation (3)

бөлігі ретінде қарастырылады. Бұл ретте коммуникация тек ақпарат жеткізудің
құралы ретінде емес, азаматтарды белсенді тыңдау, олардың қажеттіліктерін
түсіну, эмоциялық тұрғыдан жауап беру және қарым-қатынас тілін әртүрлі
әлеуметтік топтарға бейімдеу секілді екіжақты үдеріс ретінде жаңаша
пайымдалуда.
Өз кезегінде, коммуникация процесі мемлекеттік аппарат қызметінің
маңызды құрамдас бөлігі ретінде басқарудың түрлі деңгейлері арасындағы өзара
іс-қимылды, ақпарат алмасуды, шешімдер қабылдауды және оларды көпшілікке
түсіндіруді де қамтиды. Мемлекеттік коммуникацияның тиімділігі көрсетілетін
қызметтердің сапасымен және азаматтардың мемлекеттік органдарға деген сенім
деңгейімен тікелей байланысты. Осыған байланысты Қазақстан
Республикасының заңнамасында, соның ішінде “Мемлекеттік қызмет туралы”
заңда және Әдеп кодексінде мемлекеттік коммуникацияны жетілдіруге, сондай-
ақ мемлекеттік қызметшілердің коммуникативтік құзыреттеріне ұтымды
талаптар қоюға бағытталған негізгі қағидаттар мен нормалар белгіленген [2;
118].
Бұл ретте мемлекеттік қызметшілердің кәсіби біліктілігіне, сондай-ақ
олардың халықпен және әріптестерімен өзара іс-қимыл жасау дағдыларына
тікелей қатысты заңнама нормаларын талдау ерекше маңызға ие. Мұндай талдау
мемлекеттік қызметтегі коммуникациялық құзыреттердің қалай
қалыптасатынын және қолданыстағы нормативтік-құқықтық актілер арқылы бұл
бағытта қандай тәртіп пен жауапкершілік тетіктері қарастырылғанын тереңірек
түсінуге мүмкіндік береді.
Жалпы алғанда, қазақстандық мемлекеттік қызметшілердің
коммуникативтік құзыреттерін дамытуда мемлекеттік қызметте қабылданған

этикалық нормалар өзінің оң әсерін тигізіп отыр. Атап айтқанда, Қазақстан
Республикасы Мемлекеттік қызметшілерінің Әдеп кодексі (Қазақстан
Республикасы Президентінің 2015 жылғы 29 желтоқсандағы №153 Жарлығы)
барлық мемлекеттік қызметшілерге арналған қызметтік этика стандарттары мен
мінез-құлық нормаларын реттейтін маңызды құжат болып табылады [118].
Қызметтік этика мемлекеттік органдардың ішінде, мемлекеттік
қызметшілер мен азаматтар арасында болатын сапалы коммуникацияның негізі.
Қазақстан Республикасы Үкіметінің «Мемлекеттік қызметте әдеп жүйесін
қалыптастыру туралы» №1034 қаулысына сәйкес мемлекеттік қызметшілерге
көпшілікпен коммуникация процесінде әдеп нормаларын сақтау талабы
қойылған [119]. Мемлекеттік қызметшілер қоғаммен коммуникация барысында
адалдық, әділдік және ашықтық қағидаттарына негізделген этиканың жоғары
стандарттарын көрсетуге міндетті.
Бұл ретте Әдеп кодексі мемлекеттік басқарудағы тиімді коммуникацияны
құруға қажетті мынадай іргелі қағидаларды қамтиды:
1. Тұтастық (2-тарау, 5-бөлім) кез келген ынтымақтастық негіз болып
табылады. Мемлекеттік қызметшілер өз қызметіне адалдық танытқанда, олардың
қоршаған қоғамға ұсынатын ақпаратты нақты, шынайы және пайдалы
болатынына сенімділік қалыптастырады. Коммуникация процесінде бұл қағидат

51