Page 49 - Dissertation (3)

және оларды қоғамдық мәселелерді шешуге тартуға мүмкіндік беретін кәсіби
және тұлғааралық құзыреттіліктерін дамытуға ден қойылады [103].
Қызметте өсу де осы құзыреттердің дамуымен тығыз байланысты.
Ұлыбританияда және Германияда мемлекеттік қызметке келу тек кәсіби
біліммен ғана емес, сонымен қатар коммуникативтік дағдыларды жақсартумен,
соның ішінде топта жұмыс істеу және азаматтармен өзара әрекеттесу қабілетімен
де байланысты [112].
Осы тұста коммуникативтік дағдыларды дамытуда Ұлыбританияда, АҚШ-
та, Сингапурда және Австралияда кеңінен қолданылатын тәлімгерлік
бағдарламалардың маңызы үлкен екенін атап кету керек. Тәлімгерлер жаңа
қызметкерлерге қоғам мүшелерімен және әріптестермен коммуникация жасау
үшін маңызды болатын дағдыларды дамытуға ықпал етеді. Бұл жүйе
қызметкерлерге ашық және сындарлы диалогқа түсуге, жанжалдарды шешуге
және басқалардың қажеттіліктерін тыңдауға үлкен ден қояды [113].
Халықаралық кеңістікте тәлімгерлік – бұл мемлекеттік қызметте кәсіби
білімді ғана емес, сондай-ақ коммуникациялық тәжірибе алмасудың бір түрі.
Канада және Оңтүстік Корея сияқты елдерде бұрынғы қызметкерлер тәлімгер
ретінде жұмыс атқарып, мемлекеттік басқарудың барлық деңгейінде
коммуникация мәдениетін жақсартуға септігін тигізеді [114].
Бұған қоса, АҚШ, Германия, Оңтүстік Корея сияқты елдерде
қолданылатын қызметкерлерді ротациялау тәжірибесі коммуникативтік
дағдыларды дамытуда үлкен рөл атқарады. Әртүрлі лауазымдар мен
функционалдық қызметтер шеңберінде ротациялану мемлекеттік
қызметшілерден жаңа контексттерге жылдам бейімделуді және көптеген қоғам
өкілдерімен жұмыс істеу қабілеттерін талап етеді. Сондықтан, ротация

мемлекеттік қызметшілерге кәсіби тұрғыдан өсуді ғана емес, сондай-ақ
тұлғааралық коммуникация құзыреттерін дамытуға көмектеседі [115].
Мемлекеттік қызметшілердің коммуникативтік құзыреттерін дамытуға
ықпал ететін тағы бір құрал материалдық емес ынталандыруды шараларын
енгізу. Мысалы, Ұлыбритания, АҚШ және Оңтүстік Корея сияқты елдерде
мемлекеттік қызметшілер әртүрлі кәсіби даму және оқыту бағдарламаларынан
өтеді. Бұл бағдарламалар коммуникативтік дағдыларды жақсартуға көмектеседі
және де ашық диалог орнатудың негізін қалайды [116]. Қолайлы жұмыс ортасын
құру және ары қарай білімді жетілдіру сияқты материалдық емес
ынталандырулар мемлекеттік қызметшілер тек кәсіби маман ретінде дамып қана
қоймай, сонымен қатар азаматтармен тиімді қарым-қатынас жасауды үйренетін,
мемлекеттік басқару жүйесіндегі сенім мен кәсібиліктің жоғары деңгейін
сақтайтын ортаны құруға көмектеседі [117].
Осылайша, әлемдік тәжірибе коммуникативтік құзыреттерді дамытпай
тиімді мемлекеттік қызмет көрсету саласын құру мүмкін емес екенін көрсетіп
отыр. Тағылымдамадан өткізу, тәлімгерлік, ротациялау және қаржылық емес
ынталандырулар қолдану мемлекеттік қызметшілердің кәсіби және
коммуникатиатік құзыреттерін дамытудағы ұтымды құралдар. Бұл шаралар өз

49