Page 46 - Dissertation (3)

қоғамға ашықтығын қамтамасыз ететін қолжетімді байланыс арналарын құруға
ерекше көңіл бөлінеді.
Ұлыбританияда, Францияда және басқа да Еуропа елдерінде шешендік
өнер мен БАҚ-пен коммуникация орнатуға баса назар аударылады. Бұған
журналистермен күнделікті ақпараттық өзара әрекеттесу де, дағдарыс кезінде
тиімді коммуникация жасау да кіреді.
Германия, Сингапур, Оңтүстік Корея сияқты көпұлтты елдерде
мәдениетаралық коммуникацияны дамытуға ерекше көңіл бөлінеді. Мемлекеттік
қызметшілер көптеген этностармен коммуникация жасау ерекшеліктерін
түсініп, шиеленіс жағдайларын болдырмауға даярланады.
Сонымен қатар, аталған елдер арасындағы коммуникация жасау
тәсілдерінің ерекшеліктеріне назар аударған жөн. Олардың жігін ажыратып
қарастыратын болсақ (2-кесте):
1. АҚШ-та цифрлық технологияларды және қоғаммен коммуникациядағы
онлайн платформаларды пайдалануға ерекше көңіл бөлінеді. Цифрлық
азаматтыққа және онлайн ортадағы дағдарыстық коммуникацияға оқытуға да
мән беріледі (Pew Research Center, 2017) [79].
2. Ұлыбританияның мемлекеттік қызмет саласында көпшілік алдында
сөйлеу және медиа дағдыларды дамытуға басымдық жасалады. Дағдарыс
жағдайындағы коммуникация және беделге келетін тәуекелдерді басқару
жөніндегі тренингтер де белсенді жүзеге асырылады [83].
3. Германия: ұлтаралық және мәдениетаралық коммуникацияға,
кикілжіңдерді шешу құзыреттерін дамытуға назар аударылады. Германия
әртүрлі этникалық және мәдени топтармен өзара әрекеттесуге бағытталған білім
беру тәсілімен ерекшеленеді [85].

4. Франция: БАҚ арқылы имиджді басқару және саяси тұрақсыздық
жағдайында баспасөзбен коммуникация жасау құзыреттерін дамытумен
ерекшеленеді [108].
5. Жапония: Әлеуметтік келісімді сақтауға қажетті әдеп нормаларына
және жанжалдарды басқару құзыреттерін дамытуға көп ден қойылады [109].
6. Оңтүстік Корея: дағдарысты басқаруға және стресске төзімділік
құзыреттерін дамыту, сондай-ақ саяси тұрақсыздық пен дағдарыстық
жағдайларда жұмыс істейтін мемлекеттік қызметшілерді даярлауға көңіл
бөлінеді [93, р. 73-87].
7. Сингапур: көптеген халық құрамымен жұмыс істеуге қажетті ұлтаралық
және мәдениетаралық коммуникация құзыреттері белсенді түрде дамытылады
[102, р. 300-317].
8. Швеция: ақпараттың ашықтығы мен қолжетімділігі, мемлекеттік
органдардың жұмысындағы ашықтықты қамтамасыз ету, әртүрлі ақпарат
арналары қоғаммен тиімді коммуникация құру құзыреттерін дамыту [105].
9. Канада: цифрлық сауаттылықты және қоғам өкілдерінің шешім
қабылдауға қатысуын ынталандыру, сондай-ақ мемлекеттік ақпаратқа
қолжетімділікті жақсарту үшін цифрлық платформаларды пайдалануға
бағытталған құзіреттерді дамыту [100].

46