Page 43 - Dissertation (3)

тиімді қарым-қатынас орнатуға көмектесетін мәдени сезімталдық бойынша
тренингтерді қамтамасыз етеді.
Процестер мен коммуникацияларды халықтың нақты қажеттіліктеріне
бейімдеу мақсатында мемлекеттік қызметтерді пайдаланушылардың нақты
«өмірлік жолдарын» зерттейтін «қызметтік дизайн саяхатының картасы» моделі
де белсенді түрде қолданылады [97].
Канада
Канадада мемлекеттік қызметшілердің коммуникативтік құзыреттерді
дамыту Канада мемлекеттік қызмет мектебі (Canada School of Public Service)
арқылы жүзеге асырылады [98]. Бұл оқу орны мемлекеттік қызметшілерді
коммуникативтік дағдыларды дамыту мен қоғамның түрлі топтарымен
коммуникация жасау бойынша көптеген курстар ұйымдастырады. Канадалық
мемлекеттік қызметшілер мәдениетаралық коммуникация дағдыларын жетілдіру
және қоғам өкілдірінде туындайтын түрлі мәселелерді шешуге байланысты
дайындықтан өтеді.
Мемлекеттік қызметшілер цифрлық сауаттылыққа және жаңа цифрлық
арналар арқылы қоғаммен байланыс бойынша даярлаудан өтеді. Оқыту
бағдарламаларына қызметкерлерге қоғаммен байланыс жасау үшін әлеуметтік
медианы, электрондық поштаны және басқа да онлайн платформаларды тиімді
пайдалануға мүмкіндік беретін «Мемлекеттік қызметшілердің цифрлық
сауаттылығы» (Digital Literacy for Public Servants) курстары кіреді. Канадалық
мемлекеттік басқару жүйесі ақпаратқа қолжетімділікті жақсарту мен қоғам
белсенділерін шешім қабылдауға тартуға байланысты технологияларды
пайдалануға бағытталған [99].
Сонымен қатар, Канада азаматтарға үкімет қызметі туралы ақпарат алуға

және түрлі саяси-әлеуметтік мәселелерді талқылауға қатысуға мүмкіндік беретін
онлайн консультациялар мен вебинарлар өткізуге мемлекеттік қызметшілерді
даярлау бағдарламаларын белсенді түрде жүзеге асыруда.
Канадалық жүйе «бізсіз біз туралы ештеңе жоқ» тәсілін - азаматтарды
шешім қабылдау процесіне, әсіресе осал топтарға қатысты мәселелерде міндетті
түрде қосу принципін белсенді түрде алға тартады. Оқыту бағдарламаларына
инклюзивті тіл, эмоционалды интеллект және өзара әрекеттесудегі айтылмаған
кедергілерді анықтау модульдері кіреді [100].
Сондай-ақ, мемлекеттік қызметшілерді көпмәдениетті ортада жұмыс
істеуге және «бірінші ұлттардың» (Бірінші Ұлттар, Инуит, Метис)
қажеттіліктерін қанағаттандыру үшін оқытуға, оның ішінде міндетті
татуластыру тренингін (ақиқат пен келісім тренингі) оқытуға ерекше көңіл
бөлінеді [100].
Сингапур
Сингапурда мемлекеттік қызметшілер арасында коммуникативтік
құзыреттерді дамыту Сингапур мемлекеттік қызмет колледжі (CSCS) арқылы
жүзеге асырылады [101]. Бұл оқу орны мемлекеттік органдардың қоғаммен
тиімді коммуникация орнатуға, мемлекеттік қызметшілердің коммуникативтік
құзыреттерін арттыруға бағытталған түрлі курстар мен тренингтерді ұсынады.

43