Page 42 - Dissertation (3)

болуы және шектеулі уақыт пен ақпарат жағдайында жылдам шешім қабылдауға
қабілетті болуы керек [93].
Бұл бағдарламалар мемлекеттік қызметшілерге стрессті басқаруға
бағытталған тренингтер мен дағдарыс жағдайында тиімді коммуникация жасау
дағдыларын дамуды қамтиды. Тренингтер шеңберінде медиа-платформалармен
практикалық жұмыс, қоғамдық тұрақтылықты сақтауда шешуші рөл атқаратын
қауіп-қатер мен белгісіздік контекстінде қоғамдық пікірмен іс-қимыл жасауға
үйретеді. Сонымен қатар, егде жастағы адамдармен, жұмыссыздармен және
әлеуметтік осал топтармен өзара әрекеттесудің нақты жағдайлары негізінде
симуляциялық тренингтер қолданылады.
Адамға бағдарлану цифрлық платформалар арқылы азаматтардың кері

байланысын белсенді пайдалануда (мысалы, 국민신문고 жүйесі –
«Азаматтардың шағымы») және осы деректерді дербестендірілген мемлекеттік
қызметтерді әзірлеуге енгізуден көрінеді. Кері байланыстарды басқару бойынша
оқыту курстары мемлекеттік қызметшілерді азаматтардың шағымдары мен
ұсыныстарын құрметпен және тиімді өңдеуге үйретеді, бұл сенім мен
қанағаттануды арттыруға көмектеседі [94].
Австралия
Австралия үкіметі мемлекеттік қызметшілерді азаматтармен ашық және
қолжетімді коммуникация жасауға үйретуге баса назар аударады. Австралиялық
мемлекеттік қызметшілерді оқыту бағдарламалары (Australian Public Service
Training Programs) тыңдаушыларды қоғаммен коммуникация жасау дағдыларын
және ақпаратты көпшілікке, соның ішінде ерекше қажеттіліктері бар тұлғаларға
қолжетімді ету бойынша оқытуды қамтамасыз етеді. Курстар қоғамның
мемлекетке сенімін арттыруға, цифрлық және дәстүрлі медианы қоса алғанда,
әртүрлі арналар арқылы қоғамның сұранысына тиімді жауап беруге бағытталған
[95].
Австралиялық мемлекеттік қызмет комиссиясы (APSC) мемлекеттік
қызметшілер үшін түрлі коммуникациялық дағдыларды дамытуға бағытталған
курстарын ұсынады [96]. Көшбасшылық қабілеттілік шеңберіндегі (Leadership
Capability Framework) даярлау көптілді және көптеген мәдениетті қоғамда
стратегиялық ойлау, көпшілік алдында сөйлеу және жобаларды басқару сияқты

салаларды қамтиды.
Сонымен қатар, австралиялық модельде мемлекеттік органдар
қызметкерлерінің қабылданған шешімдер мен олардың салдары туралы
сындарлы ақпарат дәл әрі нақты ұсынуға үйрететін мемлекеттік органдардағы
ашықтық жөніндегі курстарына ерекше көңіл бөлінеді. Бұл қоғамда мемлекеттік
органдар қызметі туралы оң пікірдің қалыптасуына, сондай-ақ мемлекеттік
құрылымдарға қанағаттанбаушылық пен сенімсіздік деңгейін төмендетуге ықпал
етеді.
Бұған қоса, австралиялық тәсіл «азаматтардың қатысуына» және «әмбебап
қолжетімділікке», оның ішінде мемлекеттік қызметшілерге аборигендік
қауымдастық өкілдерімен және мүгедектермен жұмыс істеу бойынша міндетті
оқытуға бағытталған. Татуласу әрекетінің жоспары бағдарламасы құрметті және

42