Page 41 - Dissertation (3)

коммуникативтік құзыреттерді дамытуды қамтиды (Public Administration
Leadership Program) [86]. Жылдам технологиялық және мәдени өзгерістер
жағдайында тиімді басқару мен коммуникация жасау қабілетін дамытатын
мемлекеттік басқару саласындағы көшбасшылық бағдарламасының да маңызы
аса зор.
Жапондық көзқарастың ерекшелігі - оның азаматқа бірегей әлеуметтік
және мәдени контексттің тасымалдаушысы ретіндегі терең құрметі. Омотенаши
принципі (қонақжайлылық және қамқорлық) мемлекеттік қызметшілерді
оқытуға енеді: олар азаматтардың қажеттіліктерін алдын ала білуге және
әңгімелесушінің күтулері мен эмоционалдық жағдайын ескере отырып ақпарат
беруге үйренеді. Мысалы, NPA бағдарламалары халықпен әрекеттесу кезінде
мәдени және жас ерекшеліктерін ескере отырып, бейвербалды қарым-қатынасқа
ерекше көңіл бөледі [91].
Бұдан бөлек, мемлекеттік қызметшілердің коммуникативтік құзыреттерін
дамыту бағдарламасында аудитория алдында ұтымды сөйлеуге, тиісті
әлеуметтік нормаларды үйренуге және де дағдарыстық коммуникацияға баса ден
қойылады. Оқыту бағдарламалары қақтығыстарды басқару, төтенше
жағдайларда тиісті проблемаларды шешу білу дағдыларын дамытуға
бағытталған және бұл қоғамдық тәртіп үшін жағымсыз салдарды азайтуда аса
маңызды.
Тағы бір маңызды элемент ретінде коммуникацияның мәдени
аспектілеріне, әсіресе мемлекеттік қызметшілер мен қоғам өкілдері арасындағы
өзара сыйластық контекстіне көңіл бөлу болып саналады. Дағдарыс кезіндегі
коммуникация курсы сондай-ақ Жапония елінде жиі орын алатын саяси
тұрақсыздық пен табиғи апаттар кезінде халықпен қалай тиімді әрекеттесу қажет

екендігін жан-жақты үйретеді. Дағдарыс коммуникациясының арнайы
бағдарламалары мемлекеттік қызметшілерге дағдарыс жағдайында баспасөзбен
және жұртшылықпен жұмыс істеу үшін қажетті дағдыларды дамытуға мүмкіндік
беретін рөлдік ойындар мен нақты өмірлік жағдайларды модельдеуді де
қамтиды.
Оңтүстік Корея
Кореяның мемлекеттік басқару институты (KIPA) мемлекеттік
қызметшілердің қарым-қатынас дағдыларын жақсартуға арналған
бағдарламаларды жүзеге асыратын бірден бір оқу орны [92]. KIPA мемлекеттік
қызметшілерге арналған көшбасшылық дағдылар мен көпшілік алдында сөз
сөйлеу курстары кіреді.
Оңтүстік Корея мемлекеттік қызметшілерді дағдарысқа қарсы
коммуникация пен кикілжіңдерге қарсы төзімділікті дайындауға басымдық
береді. Дағдарыс жағдайындағы коммуникацияны оқыту бағдарламалары (Crisis
Communication Training) мемлекеттік қызметшілерді әлеуметтік шиеленіс
контекстінде коммуникация жасау және қақтығыстарды басқаруды
қарастырады. Оңтүстік Корея өзінің тұрақсыз саяси жағдайымен танымал,
сондықтан мемлекеттік қызметшілер дағдарысты жағдайлармен күресуге дайын

41