Page 40 - Dissertation (3)

әрекеттесуге бағытталған коммуникативтік құзыреттерді дамытудың
маңыздылығын мойындайтынын атап кету керек.
Сондай-ақ, Германияда мемлекеттік қызметшілерге қоғамның түрлі
топтары арасында туындайтын дауларды тиімді шешуге мүмкіндік беруді
көздейтін жанжалдарды басқару жөніндегі тренингтер белсенді түрде жүзеге
асырылады. Бұл тренингтер тек теориялық аспектілерді ғана емес, сонымен
қатар коммуникацияға қатысушыларға келіспеушіліктерді шешу, күйзелісті
басқару және жанжалдың өршуін болдырмау әдістерін тәжірибеде қолдануға
мүмкіндік беретін қақтығыс жағдайларының практикалық модельдеулерін
қамтиды. Мұндай курстар мемлекеттік қызметшілерге стресс жағдайында
саналы шешім қабылдауға көмектеседі, бұл олардың күнделікті жұмысында кең
қолданысқа ие.
Франция
Францияда мемлекеттік қызметшілердің коммуникативтік құзыреттерін
дамыту процесі олардың баспасөзбен тиімді коммуникация жасауы мен көпшілік
алдында сөйлеуді үйренуін басталады. Бұл бұқаралық ақпарат құралдарының
мемлекеттік органдар мен қоғам арасындағы коммуникация процесінде
атқаратын маңызды рөліне байланысты. Мемлекеттік қызметшілерді оқытуға
арналған «La communication publique et institutionnelle» (ENA Leadership and
Communication) бағдарламасы журналистермен өзара әрекеттесуді үйретуге,
баспасөз конференцияларын дайындауға және қоғамдық коммуникацияның
этикалық принциптерін меңгеруге бағытталған курстарды қамтиды [88].
Француз үлгісі ашықтық пен азаматтық қатысуға баса назар аударады.
«Транспаренттілік» және «бірлесіп құру» (азаматтардың шешім қабылдауға
қатысуы) қағидаттары қоғамдық коммуникациядағы ENA тәсілінің негізінде

жатыр. Тренингте мүдделер қақтығысы жағдайында қарым-қатынас жасау
модульдері қарастырылған, мұнда мемлекеттік қызметшілер қайшылықтарды
ашық талқылауды және азаматтардың пікірін бұзбай, биліктің ұстанымын
дәлелдеуді үйренеді [89].
Сонымен қатар, көпшілік пен бұқаралық ақпарат құралдарының назарын
аудару үшін жоғары бәсекелестік жағдайында БАҚ-та мемлекеттік органдардың
имиджін басқару мәселелеріне ерекше назар аударылады. Мемлекеттік
қызметшілердің баспасөзбен коммуникациясы ашық және шындықта жанасқан
болуына үйретеді, бұл өз кезегінде қоғам ішіндегі сенімді арттыруға көмектеседі.
Сондай-ақ, тиісті курстар дағдарыстық коммуникация тақырыптарын қамтиды
және олар мемлекеттік органдардың қатысуымен дағдарыс жағдайында
қызметкерлерге жылдам және тиімді коммуникация жасауға көмектеседі. Бұған
қоса «эмпатикалық қарым-қатынас» элементтері, яғни белсенді тыңдау, ашық
сұрақтар, өзара әрекеттесу кезінде азаматтардың эмоцияларын тану кеңінен
енгізілуде.
Жапония
Жапонияда Ұлттық персонал органы (ҰПJ) арқылы мемлекеттік
қызметшілерді оқытуға үлкен көңіл бөлінеді [90]. Оқыту бағдарламалары
қоғаммен тиімді әрекеттесу және азаматтарға қызмет көрсетуді жақсарту үшін

40