Page 4 - Dissertation (3)

КІРІСПЕ

Мәселенің өзектілігі. Ұдайы жаһандық және әлеуметтік өзгерістер мен
толқулар жағдайында Мемлекеттік қызметшілердің коммуникативтік
дағдыларын жетілдіру мемлекеттік органдардың тиімді жұмыс істеуінің
маңызды алғышарттарының біріне айналып отыр. Бұл мәселе Қазақстан
Республикасында мемлекеттік органдар мен азаматтардың өзара іс-қимылының
сапасын арттыруға және мемлекеттік қызмет көрсетуді жақсартуға бағытталған
мемлекеттік реформалардың іске асырылуына байланысты ерекше өзектілікке ие
болуда.
Мемлекеттік қызметшілердің коммуникативтік дағдыларын жетілдіру
мәселелеріне соңғы жылдары қабылданған ұлттық стратегиялар мен
бағдарламалар шеңберінде баса назар аударылып келеді. Мәселен, Қазақстан
Республикасы Президентінің 2012 жылғы 14 желтоқсандағы Жарлығымен
бекітілген «Қазақстан-2050» стратегиясы мемлекет пен қоғамның өзара іс-
қимылының тиімді тетіктерін, оның ішінде Мемлекеттік қызметшілердің кәсіби
біліктілігін жетілдіру арқылы дамытуға бағытталған шараларды қамтиды [1].
Аталмыш стратегияда мемлекеттік органдар қызметінің тиімділігін арттыру
олардың қызметкерлерінің біліктілігіне, оның ішінде коммуникативтік
дағдыларын дамытуға тікелей байланысты екендігі ерекше аталып өтілген.
Бұған қоса, мемлекеттік басқару саласына және Мемлекеттік
қызметшілерге қойылатын кәсіби талаптарды реттейтін ауқымды нормативтік
құқықтық актілер де мемлекеттік басқару жүйесін жетілдіру шараларына негіз
болып отыр. Осыған орай, 2015 жылы қабылданған Қазақстан Республикасының

Мемлекеттік қызметі туралы заңы шеңберінде Мемлекеттік қызметшілердің
кәсіби құзыреттілігін, мемлекеттік қызмет көрсету сапасын арттыру және
халықпен тиімді өзара іс-қимыл жасауға қажетті коммуникативтік дағдыларды
дамыту міндеттерін ерекше басымдық берілген [2].
Қазақстан Республикасының Мемлекеттік қызмет істері агенттігінің ресми
деректеріне сүйенсек, елімізде соңғы бірнеше жыл ішінде мемлекеттік
органдардың қызметіне көңілі толмайтын азаматтардың саны ұдайы артуда.
Соңғы ресми есепте 2023 жылы аталған мәселе аясында 11 мыңға жуық құқық
бұзушылық фактілерінің орын алынғаны (алдыңғы 2022 жылмен салыстырғанда
11 есеге көп), соның шеңберінде 95 қызмет алушының құқығын қорғау шаралары
қабылданғаны туралы хабарланады (бұл көрсеткіщ алдыңғы 2022 жылмен
салыстырғанда 2,5 есеге көп тіркелген) [3]. Бұл тұста шағымданушы
азаматтардың басым бөлігіне аса маңызды болып саналатын мәселелер қатарына
мемлекеттік ұйымдар ұсынатын ақпараттардың сенімсіздігі, өтініштерді қарау
үдерістерінің қауқарсыздығы, сондай-ақ мемлекеттік органдар қызметкерлері
мен қоғам арасындағы конструктивті диалогтың толымсыздығы жататынын
анықталған. Бұл факт азаматтардың мемлекеттік органдарға сенімін арттырудың
ең маңызды құралы ретінде мемлекеттік қызметшілердің коммуникативтік
дағдыларын жетілдіру қажеттілігін көрсетеді.

4