Page 38 - Dissertation (3)

пайдалану, азаматтардың сауалдарына жауап беру және цифрлық форумдарға
қатысу сияқты коммуникациялық дағдыларды дамыту [79]. Онлайн жүзеге
асырылатын «АҚШ. Цифрлық қызмет» бағдарламасы қоғаммен кері байланыс
орнатуға, қоғамның мемлекеттік органдарға деген сенімін арттыруға және
мемлекеттік қызметтердің қолжетімділігін арттыруға мүмкіндік беретін құрал.
Құрама Штаттардағы адамға бағытталған көзқарас азаматтардың барлық
санаттары үшін қолжетімділік пен ыңғайлылыққа бағытталған инклюзивті
коммуникация мен цифрлық өзара әрекеттестікке баса назар аудару арқылы
жүзеге асырылады. Мысалы, DigitalGov жобасы мемлекеттік қызметшілерден
жұртшылықпен, әсіресе халықтың осал топтарымен қарым-қатынас жасау
кезінде қарапайым, түсінікті тілді қолдануды талап ететін қарапайым тіл
жөніндегі нұсқаулықтарды әзірледі [80].
Мұндағы тағы бір негізгі маңызды бағыт - техникалық дағдыларды
(онлайн платформалармен жұмыс істеу) және коммуникативтік құзареттерді
(азаматтармен онлайн диалог жүргізу, қоғамдық қажеттіліктерді анықтау және
ықтимал проблемаларды болжау мүмкіндігі) қамтитын «цифрлық азаматтық»
дағдыларын дамыту болып табылады. Мемлекеттік қызметшілерді оқытуда
цифрлық платформаларда күрделі құқықтық және әкімшілік рәсімдерді тиімді
және түсінікті тұжырымдауға баса назар аударылады. Бұл мемлекеттік
қызметшілерден жаңа цифрлық жағдайларға жоғары бейімделуді, сондай-ақ
цифрлық ортадағы жылдам орын алатын өзгерістерге жауап бере алуды талап
етеді.
Сонымен қатар, цифрлық қызметтерді дамытуда «дизайндық ойлау» әдісі
қолданылады, бұл мемлекеттік қызметшілерге азаматты дизайнның орталығына
қоюға мүмкіндік береді: пайдаланушылармен сұхбат жүргізіледі, тәжірибелік

үлгілер жасалады, өзара әрекеттесу сценарийлері сынақтан өткізіледі [81]. Бұл өз
кезегінде халықтың шынайы мұңдары мен қажеттіліктерін түсінуге және
интерфейс пен коммуникацияны шын мәнінде адамға бағытталған етуге
мүмкіндік береді.
Ұлыбритания
Бұл елде мемлекеттік қызметшілер тұрақтылық пен дағдарыс контекстінде
коммуникацияларды басқаруға үйретіледі. Көшбасшылық академиясы
“Leadership Academy” бағдарламасы, көшбасшылық қабілеттер мен
коммуникативтік құзыреттерді дамытуға бағытталған басқа да курстар көпшілік
алдында сөйлеу тәжірибесін, медиа имиджін басқару және дағдарыстық
коммуникацияны да қарастырады [82]. Оған қоса, мемлекеттік қызметшілерге
арналған оқыту бағдарламаларына көпшілік алдында сөйлеу дағдыларын
дамытуға көмектесетін шешендік өнер бағдарламалары, дағдарыс жағдайында
қоғаммен және бұқаралық ақпарат құралдарымен тиімді қарым-қатынас жасауды
үйрететін дағдарысты басқару коммуникациялары кіреді [83].
Британдық тәжірибеде «қоғамға қызмет ету» мәдениетін қалыптастыратын
азаматтармен өзара әрекеттесу процесінде белсенді тыңдау және эмпатия
дағдыларын дамытуға ерекше көңіл бөлінеді. Мемлекеттік коммуникация
қызметі мемлекеттік қызметшілерді «азаматтардың дауысын» тыңдау және оны

38