Page 37 - Dissertation (3)

1.3 Мемлекеттік қызметшілердің коммуникативтік
құзыреттеріліктерін дамыту саласындағы халықаралық тәжірибе
Қазіргі қоғамда мемлекеттік қызметтің тиімді жұмыс істеуі мемлекеттік
қызметшілердің жоғары деңгейдегі коммуникативтік дағдыларымен тікелей
байланысты. Цифрландыру, жаһандану және әлеуметтік өзгерістер жағдайында
бұл құзыреттер кәсіби мемлекеттік қызметшілерді даярлаудың ажырамас
құрамдас бөлігіне айналуда. Атап айтқанда, мемлекеттік қызметшілердің
коммуникативтік дағдыларын дамыту қоғаммен сапалы өзара іс-қимылды
қамтамасыз етумен қатар, мемлекеттік басқарудың ашықтығын, сенімділігі мен
тиімділігін арттырудың негізгі факторына айналады.
Мұндай жағдайда мемлекеттік қызметшілерді оқыту мен олардың
тәжірибелік даярлығында адамға бағдарланған тәсілдің маңызы арта түседі. Бұл
тәсіл азаматтардың қажеттіліктері, үміттері мен құқықтарын мемлекеттік
басқару үдерістерінің өзегіне қоюды көздейді. Осы тұрғыда коммуникативтік
құзыреттер тек техникалық дағдылар жиынтығы ретінде емес, эмпатияны,
әртүрлілікті құрметтеуді, азаматтардың пікірін тыңдауды және мемлекеттік
қызметтерді нақты өмірлік жағдайларға бейімдеуді қамтамасыз ететін маңызды
құрал ретінде қарастырылады.
Бұл бөлімде мемлекеттік қызметшілердің коммуникативтік дағдыларын
жүйелі түрде дамытып отыратын елдердің тәжірибесі қарастырылады.
Жүргізілген зерттеу негізінде түрлі мемлекеттердегі коммуникативтік
құзыреттерді жетілдіру тәсілдерінің ерекшеліктері мен негізгі үрдістері
айқындалады.
АҚШ
АҚШ-та мемлекеттік қызметшілердің коммуникативтік құзыреттерін

дамытуға маңызды ден қойылады. Бұл тұста мемлекеттік қызметшілерді оқыту
мен кәсіби дамытуға жауапты жетекші ұйымдардың бірі АҚШ-тың
Азаматтармен қарым-қатынасты жақсартуға арналған әртүрлі курстар мен
бағдарламаларды ұсынатын персоналды басқару кеңсесі (OPM) болып табылады
[77]. Федералдық Атқарушы Институт (FEI) бағдарламасы үкімет басшыларына
көшбасшылық және коммуникативтік құзыреттіліктерді оқытуды қамтамасыз
етеді. Бұл курстар шиеліністерді басқару, әртүрлі қоғам өкілдерімен тиімді
коммуникация жасау мен әлеуметтік айырмашылықтар туралы хабардар болу
сияқты аспектілерді қамтиды.
Перри мен Хондегемнің (2008) зерттеуіне сәйкес, Америка Құрама
Штаттарында мемлекеттік қызметшілердің коммуникативтік құзыреттерін
дамыту мемлекеттік қызметтің тиімділігі мен ашықтығын арттыру жолында өте
маңызды [78].
Сондай-ақ, мемлекеттік қызметшілердің цифрлық құзыреттерін
дамытудың «АҚШ. Цифрлық қызмет» бағдарламасы және азаматтармен өзара
байланысуға қажетті әртүрлі платформалар қамтиды. Бұл бағдарлама
мемлекеттік қызметшілерді цифрлық технологиялар негіздеріне ғана емес,
сонымен қатар онлайн-ортада коммуникация жасай алу қабілетін де дамытады.
Мұндағы маңызды аспект - қоғамдық кеңестер үшін әлеуметтік медианы

37